Stromp László szerk.: Magyar protestáns egyháztörténeti adattár. I. Budapest 1902.

9. Kocsi Csergő Bálint „Narratio brevis de oppressa libertate Hungaricarum ecclesiarum" cz. müvének X—XI—XII.fejezete. (Balogh Elemér.)

Vix convalescebat cum reliquis nullo discrimine laborare cogitur. In Festo Ignatii crudelissimis verberibus coram Templo Leopoldopolitano ex dispositione Nicolai Kelio oneratus et ad coxendicem ita percussus, ut in Terram statim provolutus corrueret, illinc hortante Jesuita, violentis Manibus militum correptus, capillorum et barbarum tenus ad altare Templi abstractus ibidemque pedibus et Calcibus promiscuae multitudinis conculcandus, projectus, verberibusque exanimatus ad Tempus continuationis Missae derelinquuntur.

1 Cum post cruenta haec verbera ad se rediret, et vires recolligeret, sub tempus elevationis Missae, elevat caput, ut illinc alio commigret, á Circumstante multitudine, Caput nudum Sanctissimi Martyris fustibus pulsatur, et graviter contunditur. Finita Missa manibus et pedibus innixus e templo proreptabat : illiucque ab aliis fratribus sublevatus, in locum operum cum gemitu et lachrymis deportatur, sed inhabilis ad operandum in carcerem cum aliis duobos redit, nihil tarnen parcitur itá crudeliter habito, quamvis et brachium luxatum esset verberibus, sequenti statim die ad labores nullius frugis expellitur. Mensis Augusti die 26. Valetudinarius ad Aedes Colonelli coram Stephano Kubynyi, et Nicolao Kellio

2 examini sistitur; peracto examine per Maximilianum quendam Plos in pulverem Seorsin

3 ab aliis jubetur sedere, cum propter infirmitatem in praefixo loco tanta celeritate, quanta exigebatur, se componere non posset, crudelissime et sine ulla commiseratione percutitur. Mense Octobri ejusdem Anni in fortalitio deportabatur Sacramentum, et cum cernuis genibus non adoraret, a furioso quodam Milite, ex Imperio Sacrificuli Kelio, ita percutitur, ut ferratum Crassum spiculum, ex violentia ictus in aliquot partes dissiliret. In Mense Martio Anni 1675. aliquando viam sternebat Lapidibus praegrandibus, Sacramento ad aegrotum quendam deportando, post absolutum opus, ante fores Scholae per furiosum quendam militem, propter non exhibitam genuflexionem durissimo baculo ad usque percutitur, donec violentia verberum fractus, in terram corrueret, Omnia haec tum

4 aequo animo ferebat, ut nullum unquam Verbum ex eo auditum sit; quod vel levissimam speciem impatientiae, prae se tulisset. Omnibus inserviebat, et multorum onera, tam in laborando quam in itinerando, tempore deportationis in Italiam supportabat. In laborando cum alii vel propter vires exhaustas, 1 derelinquitur; — 2 Kelio ; — 3 seorsim; — 4 tam.