C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
176 Oklevelek 138 1492. április 1., Buda. II. Ulászló király somogyi konventhez küldött bírói intézkedése a Dombói Dávid és János, illetve Bátori István országbíró és erdélyi vajda meg testvére, András közötti, Zákány kastélyt és tartozékait illető perben. Papíron, zárópecsét nyomával. DL 6007. (NRA 30-5.) - A külzet: Fidelibus nostris, conventui ecclesie Simigiensis, pro magnifico comite Stephano de Bathor iudici curie nostre ac wayvoda Transsilvano et comite Siculorum contra egregium David de Dombo super quadam possessionaria reambulatione et estimatione per nostrum et vestrum homines modo intrascripto fienda, cuius series ad octavas festi Beati Michaelis nunc venturas legittime perdurandas est reportanda ad iudicem. A hátlapján a címzés alatt középen: Lecta et extradata per magistrum Ladislaum prothonotarium coram kkk. Alul jobbról: Zakan et aliarum possessionum sequestratio. - N. T. Wladislaus Dei gratia rex Hungarie, Bohemie etc. fidelibus nostris, conventui ecclesie Simigiensis salutem et gratiam. Noveritis, quod nobis in presenti dieta sive conventione generali dominorum prelatorum et baronum ac ceterorum regnicolarum nostrorum hic Bude de nostro mandato celebrata egregius David de Dombo in sua ac Iohannis filii condam Francisci de eadem Dombo fratris sui carnalis personis nostram dictorumque dominorum prelatorum et baronum veniens in presentiam presente et audiente fideli nostro magnifico comite Stephano de Bathor iudice curie nostre ac wayvoda Transsilvano et comite Siculorum contra eundem ac Andreám de eadem Bathor fratrem eiusdem comitis Stephani carnalem conquerendo proposuit eo modo, quomodo his disturbiorum temporibus, post mortem scilicet serenissimi principis condam domini Mathie regis, predecessoris nostri ipsi comes Stephanus et Andreas frater eiusdem, nescitur, quo respectu, quoddam opidum Zakan vocatum in comitatu Simigiensi existens, ipsos David et filium dicti condam Francisci fratris sui certo iuris titulo concernens simul cum villis seu possessionibus iuribusque possessionariis ad idem opidum spectantibus et pertinentibus ab eisdem David et filio prefati condam Francisci preter omnem viam iuris ac indebite et minus iuste occupassent et occupative apud se detinerent etiam modo in ipsorum David et filii prefati condam Francisci preiudicium et gravamen valde magnum, ex parte quorum ipse David in personis quibus supra sibi per nos iustitiam administrari supplicabat. Quo audito prefatus comes Stephanus coram nobis prefatisque dominis prelatis et baronibus personaliter adherens in sua ac dicti Andree fratris sui personis respondit ex adverso, quomodo prefatum opidum Zakan cum prefatis suis pertinentiis ipsi indebite non occupassent, sed quia idem opidum cum eisdem suis pertinentiis magnifici condam Ladislai de Marczaly prefuisset, igitur sicuti alie universe possessiones et iura possessionaria ipsius condam Ladislai de Marczaly, ita etiam ipsum opidum cum prefatis suis pertinentiis ex quodam certo et legittimo contractu inter ipsum et dictum Andreám fratrem suum, necnon prefatum condam Ladislaum de Marczaly, dum vixisset, habito et celebrato consequenterque ex nostra quoque regia collatione ad ipsum comitem Stephanum et eundem fratrem suum rite et legittime devolutum extitisset sicque huiusmodi opidum cum dictis suis pertinentiis iidem comes Stephanus et Andreas frater eiusdem apud se et in manibus eorum haberent. Cumque dictus David prefati filii annotati condam Francisci fratris sui, prefatus vero Stephanus comes pretacti Andree de dicta Bathor et Georgii filii eiusdem Andree onera et gravamina in ne-
