C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
140 Oklevelek ribus et donativis honorari liberalioribus, quos et generis claritas illustrat et virtutum gestorumque excellentia commendant facinora. Proinde considerantes fidelitates et fidelium servitiorum ingentia merita fidelium nostrorum sincere dilectorum magnificorum comitis Stephani de Bathor iudicis curie et Andree fratris sui carnalis, que iidem primum sacre predicti regni nostri Hungarie corone et consequenter nostre maiestati ab exordio felicis nostri regiminis ad hanc usque diem in diversis et gravissimis bellicis laboribus tam contra Bohemos hereticos et Polonos, quam alios regni nostri emulos generaliter et partialiter instauratis, diversis in locis et temporibus, uti eventus, rerum expediendarum et condicio postulabat contempta pro nostri nominis gloria et regni comodo vita et quiete suis et suorum ac se ipsos variis fortune casibus exponendo cum omni eorum sincere devotionis fervore et animi zelo prudenter, viriliter et constanter exhibuerunt, presertim vero superioribus annis cum nos contra perfidum Bozorad, tunc wayvodam partium Transalpinarum regni nostri, qui a nobis et sacra corona deficiens imperatori Tureorum totius Christiane religionis hostium crudelissimorum adheserat, ipsum comitem Stephanum nostre maiestatis in persona ad ipsas partes Transalpinas una cum gentibus nostris deputassemus, ubi idem veluti vir summa circumspectione suffultus strennui et boni militis fungens officio dictum Bozorad perfidum simul cum gentibus ipsius Tureorum imperatoris defensioni et presidio ipsius Bozorad et provincie Transalpine deputatis, turpiter profligatum, de ea provincia aufugere coegit, et quondam Ladislaum Dragula, quem nos in wayvodam elegeramus, illi terre fideliter prefecit, ut igitur iidem comes Stephanus et Andreas de Bathor etiam de cetero tanto alacriori animo ad servitia nostra accingantur, quanto se a nostra maiestate liberalius cognoscent remuneratos et provisos, castrum nostrum Zenthgyewrghwara alio nomine Bekawar nuncupatum, necnon possessiones Zenthgyewrgh, Pethefalwa, Mand, Zenthlazlo, Zenthmyhal, Senye, Hegenfelde, Hydweg, Zenthiwan, Magyarad, Kolon et Hozywfalw vocatas omnino in comitatu Zaladiensi existentes et habitas, quod et que alias cuiusdam Georgii Swampek de Lothomberg prefuerant, sed per notam infidelitatis eiusdem, quam ex eo, quod ipse superioribus annis, cum nos arma et potentiam nostram provocati in defensionem pretacti regni nostri contra imperatorem Romanorum converteremus, fidei salutisque et honoris sui immemor postposita fidelitate, qua nobis et sacre predicti regni nostri Hungarie corone instar aliorum subditorum et fidelium nostre maiestatis tenebatur, tanquam ovis morbida eidem Romanorum imperatori non solum adhesisset, sed et gentes suas ad castra et loca sua munita, presertim in ipsum castrum Bekawar inducendo multas provincias et regnicolarum nostrorum bona circumvicina igne consumpsisset et devastasset, et nonnulla alia mala, nisi divino auxilio occurrere valuissemus, ipso regno nostro attemptare voluisset, contra nostram maiestatem incurrit, iuxta antiquam et approbatam pretacti regni nostri Hungarie consuetudinem ad sacram eiusdem regni nostri coronam nostramque maiestatem devolute sunt, simul cum cunctis suis utilitatibus et pertinentiis quibuslibet, terris scilicet cultis et incultis, agris, pratis, campis, fenilibus, silvis, nemoribus, montibus, vallibus, vineis et vinearum promontoriis, aquis, fluviis, piscinis, piscaturis aquarumque decursibus, molendinis et molendinorumque locis, generaliter vero quarumlibet utilitatum et pertinendarum suarum integritatibus quovis nominis vocabulo vocitatis sub suis veris metis et antiquis memoratis comiti Stephano et Andree de Bathor ipsorumque heredibus et posteritatibus universis de beneplacita voluntate et consensu serenissime principis domine Beatricis, consortis nostre carissime premisso et omni eo iure, quo ipse Georgius Swampek dictum castrum cum possessionibus
