C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
138 Oklevelek ere imprimis regni nostri Hungarie chorone, tandemque maiestati nostre ab ineunte nostra etate et potissimum post susceptam nostre regalis dignitatis curam lateri nostro absque ulla intermissione adherendo, non parcendo persone rebusque et expensis suis sub locorum et temporum varietate subque fortune casibus utrisque, prout vel temporis vel nostri status condicio tulit, cum copiosa sanguinis sui effusione commissisque cum laboribus, presertim vero in conflictibus et pugnis acerrimis, bellisque et exercitibus tam adversus Thureos totius fidei catholice et religionis Christiane hostes immanissimos, quam contra Bohemos hereticos aliosque nostros et regni nostri emulos sepenumero instauratis, nec non in expugnatione diversorum castrorum et fortalitiorum civitatumque et aliorum locorum munitorum tam in provinciis Thureorum, quam in Bohemia, Moravia et Slesia per nos facta idem comes Stephanus cum omni fidelitatis constantia et sollicitudine indefessa exhibuit et impendit, inter que quidem preclara sua servitia et merita facinoraque egregia et gesta magnifica, ut alia, que plurima sunt, ommittamus, hec, que novissime peregit, potissimum cum animum nostrum inter cetera non mediocriter moveant, specialiter recensere et brevi perstringere sermone dignum duximus. Superiori siquidem anno, cum post obsidionem castri Sabacz, quod favente Deo a Thureis gloriose expugnavimus, cui quidem expugnationi idem comes Stephanus non modo interfuit, verum etiam cum totis animi et corporis suis viribus affuit, feliciter Budam reversi fuissemus et inter alias varias curas et sollicitudines nostras, quibus pro statu et defensione regni nostri impliciti fueramus et in diversum agebamur, serenissimam virginem Beatricem de Aragónia sponsam nostram carissimam ad hoc regnum nostrum traducere et sollemnitati nuptiarum, quas iam tandem Deo auxiliante feliciter celebravimus, vacare habebamus, Thureorum imperator, qui Christianorum sanguine satiari nequit, nostram sentiens occupationem coactis et adunatis undique viribus et copiis maxima cum manu regnum et provinciam nostram Moldavie cum ope et adiutorio perfidi Bozorad vayvode partium Transalpinarum regni nostri, qui a maiestate nostra et sacra corona defecerat, subintravit et totam ferme eam provinciam ditioni sue subiugavit, cui cum propter prefatas curas et occupationes nostras subito personaliter occurrere et obviare non poteramus, maiestatis nostre in persona ipsum comitem Stephanum de cetu aliorum fidelium nostrorum elegimus, qui solita sua usus virtute et industria cum auxilio et ope certorum fidelium nostrorum prefatum Thureorum imperatorem fudit et in turpem fugam convertit, provinciamque ipsam liberavit et nobis pacatam reliquit. Tandem vero fugato et expulso de Moldavia ipso Thureorum imperatore de nostra commissione et speciali mandato se et gentes suas adversus predictum Bozorad wayvodam et provinciam Transalpinam convertit, ibique ipsum Bozorad simul cum reliquiis Thureorum, quos imperator ipse pro presidio et defensione ipsius Bozorad et provincie illius Transalpine locaverat, similiter fudit et profligavit ac de ipsa provincia turpiter effugere coegit et alterum wayvodam, quem nos elegeramus, in eadem provincia fideliter reliquit. Volentes igitur viro tot virtutibus et meritis clarissimo, de nobisque et republica regni nostri optime merito regio, ut decet, occurrere cum favore et erga eum nostram aliquantisper ostendere munificentiam, castellum Karom vocatum in comitatu Sirimiensi habitum simul cum opido similiter Karom appellato, necnon possessionibus Komlos, Danylowcz et Haab in eodem Sirimiensi ac Gywranowcz, Harkalo, Wyzeskerek, Zenthkyral, Kysdy, Bykach, Babod et Erdewallya in Baciensi, necnon Znelacz, Budinorocz, Magyarolaz, Dyos, Hwrdowcz, Hodros, Bwdythowcz alio nomine Sasyncz et Syrocz aliter Hodorowcz, necnon Gwmma et Kathy ac prediis Sywcz, Apathorocz, Zo-
