C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
Oklevelek 75 inibi et dispositis nonnullis nostris expeditionibus aggregatisque ibidem copiosarum gentium armigerarum exercitibus et contra nonnullos nostros et ipsius regni nostri Bohemie ac eius incolarum emulos et statum tranquillum eorundem regni et regnicolarum turbantes spiritu rebellionis et protervie seductos eotunc quandam civitatem Tabor appellatam alias per nequissimos Taboritas in loco munitissimo erectam et constructam tenentes, qui contra nostram maiestatem veriti non fuerant campisare, sed visa valida nostra potentia a facie nostra et huiusmodi nostre potentie de eorum campo civitatem ipsam Tabor coacti subintrarunt, procedentes et prope eandem Tabor castra metantes multisque et variis inter nostros et ipsos Taboritas preludiis seu scramantiis viriliter utrinque quasi diebus singulis peractis, dum quadam die ipsorum Taboritarum in castra nostra seu descensum ad aures vehemens irreptio perstreperet nostrorum, ipse condam egregius Bartholomeus, veluti vir animosus pariter cum ceteris nostris baronibus et militibus ac gentibus nationis Hungarice tunc nobiscum existentibus contra ipsos hostes viriliter e castris exiliens inito cum ipsis bellicoso certamine peremptis et prostratis per nostros pluribus ex ipsis nostris hostibus laudabiles et commendabiles peregit actus militares et quamvis domino exercituum favente et aminiculante nostri de ipsis hostibus eis terga vertentibus victoriam reportarint triumphalem, tamen inibi ipse condam Bartholomeus in huiusmodi nostris servitiis et suis actibus militaribus per letiferum impetuose bombarde contra nostros emissi lapidis tactum ibidem in huiusmodi certaminis area morte crudeli, proch dolor, diem suum clausit extremum, de cuius morte huiusmodi nedum ipse comes Stephanus, qui iure nature plus quam alii meroris vulnere in corde sauciatus condolere debuit doleatque et exinde contristetur, verum etiam et nos sed et omnes nobiscum eotunc existentes visceribus moti pietatis valde doluimus et dolemus ipsique comiti Stephano pio super hoc compatimur affectu. Volentes itaque eundem comitem Stephanum, ut suus animus dolorque et meror ac sui cordis mestitia propter dicti fratris sui mortem mestificatur et concepti aliquantisper respiret atque mitigentur, hoc nostro regalis remunerationis dono consolari castrum nostrum Bwyak appellatum, in comitatu Newgradiensi situatum simul cum possessionibus seu villis similiter Bwyak, necnon Zyrak, Hywhalom, Tarcha, Palotashatwan, Henyel, Byer, Keer, Chory et Bokor vocatis, in eodem comitatu Newgradiensi, necnon quadam possessione Bodogfalwa alio nomine Bodogaszzonhatwan appellata, in comitatu Pestiensi habitis, item portione nostra possessionaria in possessione Nándor nominata, in eodem comitatu Newgradiensi sita existenţi ac tributo in pretacta possessione Hywhalom, ut dicitur, exigi consueto, ceteris etiam universis et singulis utilitatibus et pertientiis quibuslibet, terris scilicet arabilibus cultis et incultis, agris, pratis, silvis, nemoribus, virgultis, montibus, vallibus, vineis et vinearum promontoriis, aquis, fluviis et aquarum decursibus, molendinis molendinorumque locis et generaliter quarumlibet utilitatum ipsius castri possessionumque seu villarum ac portionis possessionarie et tributi integritatibus, proventibus et obventionibus quovis nominis vocabulo vocitatis sub suis veris metis et antiquis limitibus, quibus idem et eedem per nos et nostros predecessores atque reginales maiestates seu alios quoscunque rite tentum et possesse extiterunt, ex certa nostre maietatis scientia et animo deliberato consensuque et assensu ac beneplacito serenissime domine Elizabeth regine, conthoralis nostre carissime annotato comiti Stephano de Bathor et per eum suis heredibus ac posteritatibus universis de manibus nostris regiis dedimus, donavimus et contulimus, immo damus, donamus et conferimus iure perpetuo et irrevocabiliter tenendam, possidendam pariter et habendam salvo dumtaxat iure alieno, harum nostrarum,
