C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
174 Oklevelek eedem partes maturiori inter se tractatu prehabito [univerjsas dispositiones, ordinationes, contractus fraternales et inscriptiones pretextu mutue obligationis [................................] litterarum annotati conventus ecclesie cruciferorum1 de Alba modo et ordine litteris in eisdem declarato factas quoad omnes earum continentias, clausulas et articulos demptis quibusdam articulis infra tandem declarandis ratas et firmas autenticalesque inter se habere voluissent ac per seque et eorum successores firmiter observari et observari facere assumpsissent, immo assumpserunt coram nobis tali modo, quod quia castrum Ezdencz vocatum annotati Stephani Morocz in comitatu Crisiensi regno Sclavonie existens ac oppida utraque Ezdencz, scilicet superius et inferius ac possessiones Zenthpal et Marthonpathaka ad idem spectantes tempore inscriptionis prefate per ipsum Stephanum Morocz facte ab eo per hostes huius regni Alemanos interceptum et alienatum erat, nec quitquam tunc ipse de eo effici potuisset, sed nunc idem castrum per annotatum comitem Stephanum de Bathor magnis curis, laboribus et sumptibus et etiam servitiorum suorum non parvorum pro eius rehabitionis moderatione ab eisdem hostium manibus eliberatum et recuperatum esset et eidem Stephano Morocz evestigio restitutum, ob hoc ipse Stephanus Morocz rememoratis beneficiis ipsius comitis Stephani non tam in reoptentione dicti castri, quam aliis plerisque suis rebus et expeditionibus factis nolensque ipsum comitem Stephanum de rehabitione premissorum suorum sumptuum in acquisitione dicti castri factorum pretermittere, ob hoc ipse prescriptum castrum suum Ezdencz vocatum ac similiter dicta utraque oppida Ezdencz ac possessiones Zenthpal et Marthonpathaka simul cum aliis pertinentiis ad idem, eadem et easdem spectantibus et pertinere debentibus dicto comiti Stephano in recompensam premissorum pro undecim milibus florenoris auri pignoris titulo duxisset obliganda, immo obligavit et impignoravit coram nobis, ita tamen, quod interim, quousque ipse Stehanus Morocz supervixerit, aut filii sui ex eo nascendi dictum castrum Ezdencz pro se occupandi non haberet facultatem, sed eo mortuo aut prolibus suis deficientibus ipsum simul cum suis utilitatibus et pertinentiis quibuslibet pro eisdem undecim milibus florenis auri premisso titulo pignoris pro se occupandi et utendi habeat potestatis facultatem. Voluerunt etiam et adiecerunt eedem partes, quod idem Stephanus Morocz bona sua predicta2 necessitate compellente alienis, quibus voluerit, si iidem comes Stephanus, Andreas de Bathor, Iohannes de Peren et filii ipsorum antedicti per ipsum Stephanum Morocz legittime requisiti et amoniti eadem recipere noluerint, dandi et inscribendi haberet facultatem, ita tamen, quod ipse Stephanus Morocz huiusmodi bona sua magnificis Bartholomeo Dragfy de Belthewk ac Nicolao filio Stanizlai de eadem Bathor et filiis Iakch de Kwsal eorumque heredibus pro eo, quod iidem ad huiusmodi bona aliquod ius habere pretendunt, cum non habeant, nulla necessitate cogente impignorare aut alio quovis titulo inscribere valeat atque possit, quodque ubi declaratum existit in ultimis litteris inscriptionalibus, ut si prefati comes Stephanus et Andreas de Bathor, Iohannes de Peren et filii eorum predicti ipsum Stephanum Morocz in contrarium illarum pristinarum dispositionum in bonis suis contra voluntatem suam turbaverint et manus eorum in eisdem in toto vel in parte inmittendo impediverint, extunc ipse littere contractus superinde inter partes confecte nullius essent vigoris, illa turbatio non intelligatur de offensione iobagionum et familiarium aut rerum ablatione, que inter vicinos facillime levium rerum occasione oriri consueverint, nisi de capescendo et proprietate dominii et bonorum, quos articulos partes ipse sic recollectos iterum pro eorum firmiori et tranquiliori statu habere et litterarum patrocinio roborari voluerunt harum nostrarum, quibus sigillum nostrum,
