Kisparti János: A váci Theresianum története - Váci könyvek 8. (Vác, 1914)
Mellékleten
MELLÉKLETEK XIII Statuta et Leges ab Augistissima Imperatrice approbatae et decretae ac ab omnibus nobilibus ac academicis in Vaciensi Regio-Theresiano Collegio observandae.') Omnes finem ob oculos habeant, quem in erigendo hoc Nobilium Collegio Augustissima Imperatrix et Regina, Domina nostra Clementissima intendit, nimirum publicam Provinciarum felicitatem; quam assequentur, si pietate, et litteris, morum Nobilium cultura; fide et amore in Principes sese illustres reddiderint. I. Primum Deo dent, quod Dei est. Reverentia, ut par est, in Sacello observetur. In hoc singula Nobilium Contubernia scamna assignata occupent. Omnes simul Sacro uni quotidie, Dominicis, et 'Festis diebus, devote intersint. Preces Matutinae, et Vespertinae, Lectio Spiritualis, Coetus Mariani, menstruae SS. Communiones, Doctrinae Christianiae explanatio, aliaque Pietatis exercitia e praescripto instituantur. II. Dum per Collegium ad Sacellum, Scholam, aut alio se conferunt, nec turmatim, nec clamose incedant, nec soli vagentur, sed saltem in unius famuli comitatu, nisi una omnes cum Praefecto ad Scholas pergant, sed nec in ambitibus haereant. III. Unius Camerae incolae, seu Contubernia cum aliis non misceantur, neque conveniant. Nulli licet alienam Cameram, neque alterius Camerulam ingredi. Nullo in loco seu domi, seu in horto duo soli se sociabunt. IV. Familiaritates omnes vitentur, uti et scommata, traductiones, verba indecentia etc. Nemo alium neque per jocum offendat. In secunda persona Tu se invicem non compellabunt. Sed honore debito sese mutuo praevenient. V. Nemo famulum alio mittat, aut nuncium ullum accipiat, nisi conscio P. Rectore, aut P. Prafecto. VI. Ordo praescriptus exacte servandus, et tempus litteris, et pietatis officiis assignatum sine diminutione tribuendum. Ad proposita exercitia,, hora statuta illico ex sine mora se conferant. ‘) A kegyes tanítórend Központi Levéltárából. 1768-bóJ keltezve.
