Závodszky Levente: A Héderváry-család oklevéltára. második kötet (Budapest, 1922)
aliorum nostram exsurgentes in praesentiam exhibuerunt et praesentaverunt nobis quasdam literas nostras exmissionalesin pappyro patentes sub sigillis nostris confectas et emanatas hune tenorem continentes : (Lásd Pozsony vármegye 1591 jún. 12-iki oklevelét 153. sz. a.) Quibus exhibitis et praesentatis, iidem vicecomes, iudex nobilium et iuratus assessor nostri, sub eorum iuramento in generali decreto contento consona voce nobis retulerunt hoc modo, quomodo ipsi sexta die mensis Julii proxime praeteriti, termino scilicet per eosdem iam antea ad id debito tempore, legitimeque praefixo, ad faciem praenotatae possessionis Kys Bodak in dicto isto comitatu Posoniensi existentis, vicinis et commetaneis eiusdem universis et signanter egregiis ac nobilibus Thoma Farkas de Besse nobilium praedialium archiepiscopatus Strigoniensis palatino, Barnába Fogas d[e Na]g Padan, Emerico Barthal, Paulo Sanka, Christophoro et Ge[orgio] Sanka de Nagy Baar, Paulo Megyery, Joanne Was, et B[ene]dicto Wegh, item providis Jacobo Feyer, Sebastiano Nagh iudice et Laurentio Zeudy iurato possessionis Nagy Bodak, item Joanne Oswald, ChristophoroKanya, Joanne Warga, Michaele Horwath, Stephano Zabo, Mathia Lazio et Udalrico Mezaros, omnibus in dicta possessione Nagy Bodak commorantibus, aliis etiam quam plurimis inibi legitime convocatis et praesentibus accedentibus, rotam dicti thelonci et per consequens idem theloneum distraxissent et deiecissent, rotamque ipsam desectam iuxta decursum Danubii per aquam demisissent ac possessoribus praescriptae possessionis Kys Bodak exactionem thelonei per amplius fiendam interdixissent et prohibuissent. Ad quorum quidem vicecomitis iudicis nobilium et iurati assessoris nostrorum fidelem relationem praesentes literas nostras testimoniales sub sigillis nostris dandas duximus et concedendas communi requirente iustitia. Datum in dicto oppido regio Samaria, feria secunda proxima post festum Exaltationis sanetae crucis, loco videlicet et die celebrationis sedis nostrae iudiciariae, anno domini millesimo quingentesimo nonagesimo primo.
