Závodszky Levente: A Héderváry-család oklevéltára. második kötet (Budapest, 1922)
alias pro te subduxisses. Cum autem ipse Stephanus Héderwary in nostrae maiestatis servitio pronunc iacturam patiatur, nolumus, ut ex . . . in rebus suis abs te vei ab aliis iniuriam et dampnum accipiat. Quare fidelitati tuae firmissime committimus et mandamus, ut^acceptis praesentibus mox dictas possessiones Nagh-Beren et Pezze eidem Stephano Héderwary remittere et eas in manus hominum suorum resignare atque de dampnis per te eidem factis et illatis ei omnem satisfactionem impendere debeas, nam alioquin volumus et rursum tibi committimus et mandamus, ut quintodecimo die diei datarum praesentium tibi fiendarum computando coram nostra maiestate comparere debeas et tenearis, rationem tui facti superinde redditurus ; secus non facturus. Praesentibus perlectis exhibenti restitutis. Datum Budae, feria sexta proxima post festum Ascensionis domini, anno eiusdem millesimo quingentesimo tricesimo tercio. (1533 máj. 23.) Nos itaque mandatis vestrae maiestatis in omnibus, uti tenemur, obedire volentes, honorabilem et religiosum fratrem Petrum de Saad, presbiterum cruciferum, socium nostrum conventualem ad praemissa fideliter peragenda nostro pro testimonio fide dignum duximus transmittendum. Qui tandem exinde ad nos reversus nobis retulit eo modo, quod ipse feria "quinta proxima ante festum Penthecostes proxime (máj. 29.) praeteritum praefatum Petrum Kozary personaliter non reperiens, ammonuisset eundem de domo habitationis, solitae videlicet residentiae suae in possessione Thorway vocata in comitatu Simigiensi existenti habita, dixissetque et commisisset eidem verbo maiestatis vestrae, ut ipse iuxta contenta praescriptarum literarum praeceptoriarum maiestatis vestrae possessiones Nagh-Beren et Pezze dicto Stephano Héderwary remittere et eas in manus hominum suorum resignare, de dampnisque per eum factis ei omnem satisfactionem impendere debeat, et si contends earundem literarum maiestatis vestrae praeceptoriarum parère noluerit, extunc quintodecimo die diei ammonitionis huiusmodi de ipso factae computando (jûn. 12.) contra praefatum Stephanum Héderwary coram maiestate vestra comparere debeat et teneatur rationem sui facti superinde redditurus, certificassetque ibidem eundem,
