Radvanszky Béla - Závodszky Levente: A Héderváry-család oklevéltára. első kötet (Budapest, 1909)
Crucis, in anno proxime transacto preteriti, (1523 szept. 15.) confectas et emanatas nobisque loquentes et directas, reverencia, qua decuit recepimus in hec verba: Ludovicus dei gracia rex Hungarie et Bohemie etc fidelibus nostris, capitulo ecclesie Budensis salutem et graciam. Noveritis, quod in discussione et examine cuiusdam cause inter fidelem nostrum magnificum Alexium Thwrzo de Bethlenfalwa, supremum thezaurarium nostrum, ut actorem ab una, necnon generosas dominas, Barbaram, Francisci de Hederwara, alias castri nostri Nandoralbensi bani, et Katherinam, Andree de Bathor, comitis comitatus Zathmariensis magnificorum consortes, necnon magnificum Johannem Dragffy de Belthewk, comitem Themesiensem et parcium regni nostri inferiorum capitaneum generalem ac egregium Johannem, filium condam Zemere de Pakos ab altera partibus, racione et pretextu castri Ozora nominati, in comitatu Tholnensi existentis et habiti, quod prefati Francisci de Hederwara prefuisset, sed per notam infidelitatis eiusdem, quam ipse ob amissionem predicti castri Nandoralbensis incurrit, de facto amisit, et quod nos tandem prenotato Alexio Thwrzo, exigentibus preclaris serviciorum suorum meritis, in perpetuum contulimus, item oppidorum, villarum, possessionum, prediorum porcionumque et iurium possessionariorum ad idem castrum de iure et ab antiquo spectancium et pertinere debencium et coram nostra personali presencia mote et deinde nostre maiestatis in presenciam deducte prescriptum castrum Ozora cum universis pertinenciis suis predeclaratis memorato • Alexio Thwrzo vigore donacionis nostre regie exinde facte in perpetuum adiudicatum et de eodem castro Ozora, pertinenciisque suis prenarratis dotalicium predicte domine Barbare annotati Francisci de Hederwara, necnon quartalicium antefate domine Katherine ipsius Andree de Bathor consortum et aliud quartalicium generose condam domine Dorothee, relicte magnihci Bartholomei Dragffy de Belthewk, alias waywode Transsilvanensis etc, filie videlicet magnifici olim Emerici bani de predicta Hederwara iuxta generacionis earum lineam excidi et sequestrari, memoratisque dominabus Barbare et Katherine ac Johanni Dragffy
