Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Item habeo quandam camisiam ornatam cum margarithis; hanc lego marito meo, videlicet magniflco domino Stephano de Rosgon, ut quo wlt, eandem faciat. Item habeo quandam tunicam de panno rubeo, quam mihi dominus Andreas de Bathor portaverat; hanc lego, ut alicui nobili puelle et pauperi dent, ut exoret dominum pro me. Item fuit quedam mulier, nomine Katherina, que morabatur aput relictam Dominici; ab eadem Katherina emeramus quedam pulvinaria, ignoro tamen, si floreno uno aut altero dimidio et maritus meus dominus Stephanus de Rozgon commiserat persolvere pro eisdem Ambrosio castellano, at tamen ignoro si persolvit aut non. Ipsius dominacio mitteret missas pro eadem Katherina celebrare, ne anima mea aliquod gravamen paciatur. Item in oppido isto cuidam mulieri dederam nutrire quendam orphanum puerum, ad huc eidem obligor florenis S. Item fratribus ad Homonna lego tlorenos quinque, ut exorent pro salute anime mee, et peto maritum meum, videlicet magnificum dominum Stephanum de Rozgon, ut non recuset eisdem dare pro refrigerio anime mee prefatos quinque florenos. Insuper supplico eundem dominum Stephanum de Rozgon, tanquam dominum meum graciosum, ut famulis et famulabus meis, qui mihi servierunt et pro presenti serviunt, ipsius magnificencia pro earum serviciis satisfaciat, et eosdem non dimittat, quos vel quas eidem commendo. Item supplico eidem domino Stephano de Rozgon uti domino gracioso, ut priusquam moriar, faciat legere septem missas, in quibus eciam passiones continentur, et item post hoc faciat legere quadraginta missas et similiter eciam tricesimam. Et supplico eidem, ut mei non obliviscatur, sed sepius faciat exorare pro salute anime mee. Davidvagasi Wyderzak Antal kozjegyzo 1519. julius 11-iki hiteles atiratabol. (391. sz. a.)