Radvanszky Béla - Závodszky Levente: A Héderváry-család oklevéltára. első kötet (Budapest, 1909)

nentis et iobagionum eiusdem predictorum valde magnum. Super quo vestram amiciciam presentibus petimus diligenter, quatenus vestrum mittatis hominem pro testimonio fide dignum, quo presente Leonardus de Jobahaza aut Gregorius de Thatha vel Johannes Ewrkeny de Ech, alter Johannes Kalmar de Bakolnak sew Andreas de Doboz sive Thomas Kozma de Alchwth, newe Damianus Desew de Zenthandras necnon (?) Gregorius Farkas de Moroczhel, aliis absentibus homo noster, scita prius premissorum mera veritate memoratum Franciscum de Hederwara et alios prescriptos contra annotatum exponentem iuxta vim et formam generalis novi decreti superinde editi et stabiliti ad tricesimum secundum diem diei evocacionis huiusmodi exhinc fiende computandum nostram evocet in presenciam racionem de premissis reddituros efficacem, litis pendencia, si qua foret inter ipsos, non obstante; insinuando ibidem eisdem, ut sive ipsi termino in prescripto coram nobis compareant, sive non, nos ad partis comparentis instanciam id faciemus in premissis, quod iuri videbitur expediri et post hec huiusmodi inquisicionis, evocacionis et insinuacionis seriem cum evocatorum et insinuatorum nominibus, ut fuerit expediens, terminum ad prescriptum nobis amicabiliter rescribatis. Datum in Nemegh, feria tercia proxima post festum Circumcisionis domini anno eiusdem millesimo quingentesimo decimo quarto. (1514 jan. 3.) Nos itaque peticionibus vestre magnificencie in omnibus annuere cupientes, ut tenemur, una cum prenominatis Gregorio Farkas de Moroczhel de Simigiensi, et Zaladiensi, necnon Thoma Kozma de Alchwth de Albensi comitatibus, tanquam hominibus vestre magnificencie nostrum hominem, videlicet honorabilem et religiosum fratrem Nicolaum de Hwzth, presbiterum cruciferum, socium nostrum conventualem ad premissa fideliter peragenda nostro pro testimonio fide dignum duximus destinandum, qui tandem exinde ad nos reversi nobis conformiter retulerunt eo modo, quod ipsi et primo prefatus Gregorius Farkas in festo beate Prisce virginis et martyris (jan. 18.) proxime preterito in dicto Simigiensi atque die dominico immediate sequenti (jan. 22.)