Radvanszky Béla - Závodszky Levente: A Héderváry-család oklevéltára. első kötet (Budapest, 1909)
Hedervvara in sua ac Emerici bani, necnon Nicolai fratris ipsius carnalis de eadem Hedervvara, item Francisci et Johannis, filiorum ipsius Osvvaldi personis coram nobis personaliter constitutus per modum protestacionis et inhibicionis nobis significare curavit in hunc modum, quod prout ipsi protestantes re vera percepissent et intellexissent, egregius Paulus de Hederwara totales porciones suas possessionarias in possessionibus Hedervvara et Istereh in comitatibus Jauriensi et Castriferrei existentibus habitis (igy) simulcum omnibus pertinenciis ad prescriptas possessiones Hederwara et Istereh spectantibus et pertinere debentibus, item et in aliis locis in quibuslibet comitatibus inter ambitum huius incliti regni Hungarie existentibus et habitis, quovis nomine vocitatis, egregio Emerico, filio Michaelis Zemere de Pakos et domine Agathe, consorti eiusdem pro certis summis pecuniarum quantitatibus obligasset et impignorasset et a se alienasset, cum tamen huiusmodi porciones possessionarie tum racione consanguineitatis et affinitatis, tum eciam racione contigue vicinitatis magis ipsos protestantes quam alios quoscunque ad se ipsos pro pignore recepcione concernere dinoscuntur, in preiudicium eorundem et dampnum ac iurium derogamen valde magnum. Habita huiusmodi protestacione idem Osvvaldus de Hedervvara prescripta nominibus, quibus supra, personis memoratum egregium Paulum de prefata Hedervvara a vendicione et impignoracione prescriptarum porcionum possessionariarum in possessionibus Hederwara et Istereh et pertinenciis earundem, necnon in aliis locis ubilibet existentibus prenominatum vero Emericum, filium Michaelis Zemere de Pakos et dominam Agatham, consortem suam et alios quoslibet ab empcione et sibi ipsis appropriacione fructuum quoque et quarumlibet utilitatum earundem percepcione sew percipifaccione, seque quovis quesito colore in dominium earundem intromissione et statuifaccione quomodolibet factis vel fiendis prohibuit publice et manifeste coram nobis testimonio presencium mediante. Datum feria sexta proxima post festum Resureccionis .domini, anno eiusdem millesimo quadringentesimo septuagesimo quinto. Eredetije papiron, hatlapjan a pecset toredekeivel, fasc. 4, Nr. 23.
