Radvanszky Béla - Závodszky Levente: A Héderváry-család oklevéltára. első kötet (Budapest, 1909)

presente Martinus de Zenth Iwan vel Johannes de Repas aut Georgius de Wytha, sin Bartha de eadem, sew Ladislaus de Chew, sive Petrus de Thomay, neve Ladislaus de Wsa, aut Johannes vel Anthonius de Hany, aliis absentibus homo noster scita prius premissorum mera veritate evocet prefatos Johannem Kaczor ac Georgium et Petrum, filios eiusdem Johannis ac alios supra nominatos contra nobiles dominas, Agatham ac Elenam et Katherinam, filias eiusdem domine Agathe ad octavas festi beati Georgii martyris nunc venturas (mdj. 1.) nostram personalem in presenciam racionem premissorum reddituros, litis pendencia, si qua foret inter ipsos, non obstante, insinuando ibidem eisdem, ut sive ipsi octavis in predictis coram ipsa nostra personali presencia compareant, sive non, eadem ad partis comparentis instanciam id faciet in premissis, quid iuri videbitur expediri et post hec huiusmodi inquisicionis, evocacionis et insinuacionis seriem cum nominibus evocatorum octavas ad predictas eidem nostre personali presencie fideliter rescribatis. Datum Strigonii, sabbato proximo ante dominicam Letare, anno domini millesimo quadringentesimo sexagesimo octavo, regni nostri anno undecimo, coronacionis vero quarto. (1468 mdrcz. 26.) Unde nos mandatis vestre serenitatis in omnibus obedire cupientes, ut tenemur, unacum prefato Georgio de Witha, homine vestro nostrum hominem, videlicet discretum Jacobum de Cheppreg, rectorem altaris sancti Martini episcopi, fundati in ecclesia nostra prefata ad premissa peragenda nostro pro testimonio fide dignum duximus transmittendum, qui tandem exinde ad nos reversi nobis concorditer retulerunt, quod ipsi feria sexta proxima post dominicam Judica proxime preteritam (1468 dpr. 8.) in comitatu Zaladiensi procedendo ab omnibus, quibus decens et opportunum fuisset, nobilibus videlicet et ignobilibus ac alterius cuiusvis status et condicionis dicti comitatus hominibus, palam et oculte (igy) diligenter inquirendo omnia premissa et quevis premissorum singula sic et suo modo fore, facta et perpetrata rescivissent, prout eidem vestre serenitati dictum fuisset et quemadmodum tenor literarum vestrarum per omnia contineret prescriptarum. Factaque huiusmodi inquisicione eodem