Radvanszky Béla - Závodszky Levente: A Héderváry-család oklevéltára. első kötet (Budapest, 1909)
consilio per omnia cassantes et revocantes, totum onus defensionis eorundem comitum in ipso castro et pertinenciis eiusdem, prout annotati reges, predecessores nostri, in literis suis prenotatis ad posteros reges transmittebant, in nos assumpsimus decernentes, ut si qui deinceps contra eosdem comites racione pretacti castri et pertinenciarum suarum agere vellent, non adversus ipsos comites, sed contra nos cum procuratore, seu directore causarum nostrarum mediante novis processibus agere debeant; decernentes ex nunc irritum et inane quitquid in posterum in facto annotati castri contra ipsos comites coram quocunque iudice et iusticiario regni contra premissa agi contigerit, vel attemptari. Quocirca vobis, fidelibus nostris reverendissimis in Christo patribus, dominis Johanni Strigoniensis ac Stephano Collocensis ecclesiarum archiepiscopis, summis et secretariis cancellariis nostris ac venerabili magistro Gabrieli, aule nostre vicecancellario ac personalis presencie nostre locumtenenti, item magnificis palatino et iudici curie nostre vestrasque in iudicatu vicesgerentibus, cunctis eciam aliis regni nostri iudicibus et iusticiariis ecclesiasticis et secularibus presentibus et futuris harum serie firmiter mandamus, quatenus prefatos Johannem et Sigismundum comites ac eorum heredes et heredum successores a modo deinceps ad ullius instanciam racione annotati castri et eiusdem pertinenciarum iudicare vel vestro asstare iudicatui compellere audeatis, nec sentenciam aliquam vestram, si quam iam in ea re pronuncciassetis contra cassacionem nostram prenotatam execucioni demandetis. Super qua quidem re eciam omnia capitula et conventus regni nostri ne ad execucionem huiusmodi literarum vestrarum eorum testimonia mittant, presentibus inhibemus, sed si qui aliquid iuris ad ipsum castrum et suas pertinencias habere sperant, id prosequantur deinceps contra nos, protectores scilicet eorundem comitum in eodem castro. Director quoque et procurator causarum nostrarum omnibus, ut premisimus, causantibus respondere tenebitur; secus ergo non facturi. Presentes autem, quas secreto sigillo nostro impendenti communiri fecimus, post earum lecturam semper reddatis presentanti. Datum Posonii, feria secunda proxima post dominicam Palmarum, 22*
