Radvanszky Béla - Závodszky Levente: A Héderváry-család oklevéltára. első kötet (Budapest, 1909)
in congregacione nostra generali universitati nobilium comitatus Tholnensis, sabbato proximo ante festum beati Clementis pape, in anno proxime transacto preteritum, (1467 nov. 21.) ex speciali regio mandato prope oppidum Tholnavvar celebrata, Stephanus, filius Pauli, filii Laurencii, filii Luce de Derechke e medio aliorum exsurgendo proposuerat eo modo, quomodo magnificus Emericus et egregius Nicolaus, filii condam Laurencii de Hederwara quasdam possessiones suas Ozora, Bozyas, Debrenthe, Alsomaysa, Felsewmaysa et Nylas vocatas, omnino in comitatu Tholnensi existentes, ipsum unacum suis fratribus omnis iuris titulo concernentes, nescitur, qua racione, aut quo iure erga se occupative tenuissent et eisdem ad tunc usi fuissent, ex parte quorum iudicium habere voluerat iure admittente. Quo percepto Johannes litteratus de Thelgye pro annotatis Emerico et Nicolao de Hederwara cum procuratoriis litteris nostris in nostram exsurgendo presenciam responderat eo modo, quomodo prescripte possessiones erga ipsos Emericum et Nicolaum de Hedervvara haberentur, non tamen ipsi potencialiter easdem occupativeque et indebite possiderent, sed eedem possessiones ipsis vigore instrumentali pertinerent, que ipsi non ad tunc, nec in secunda congregacione nostra generali per nos ad tunc in comitatu de Baranya celebranda, sed in termino ulteriori, per nos eis dando eo gravamine, quo de regni consuetudine conveniret, exhibere prompti fuissent et parati. Pro eo nos hys perceptis unacum iuratis assessoribus congregacionis nostre predicte iudicando commiseramus eo modo, ut antefati Emericus et Nicolaus de Hedervvara, in causam attracti, universas litteras et litteralia eorum instrumenta, si quas et que in facto dictarum possessionum pro se haberent confectas et emanata in octavis festi Epiphaniarum domini tunc venturis (jan. 13.) cum iudicio trium marcarum in curia regia coram nobis exhibere tenerentur contra actorem prenotatum, quibus visis iudicium et iusticiam facere valeremus inter partes in premissis dictante iuris equitate. Quia autem iidem Emericus et Nicolaus de Hedervvara 1 dictum iudicium trium 1 Utanna- athuzva : «in causam attracti».
