Radvanszky Béla - Závodszky Levente: A Héderváry-család oklevéltára. első kötet (Budapest, 1909)

ipsorum predecessores sub suis veris metis antiquis et limitibus tenuissent ac possedissent pro ducentis septuaginta florenis auri puri plene, ut dixerunt, persolutis et in sortem solucionis alterius possessionis per eosdem empte, ut asseruerunt, expositis memorato egregio Paulo filio Georgii de Hedrehwara et per ipsum suis heredibus universis iure perpetuo et irrevocabiliter utendam, tenendam et habendam atque possidendam dedissent, vendidissent atque appropriando ascripsissent, ymmo dederunt, vendiderunt et perpetuando ascripserunt eisdem coram nobis, nullum ius, nullamve iuris proprietatem ipsis et eorum posteritatibus in dicta possessione Heccze et eiusdem pertinenciis reservando, sed totum et omnem iuris proprietatem eiusdem in prefatum Paulum de Hedrehwara et suos heredes transferendo. Et nihilominus annotati Georgius, Dominicus et Paulus filius Luce in eorum ac dictorum, quibus supra, nominibus et personis promiserunt sepefatum Paulum de Hedrehwara et suos heredes in dominio prescripte possessionis Heccze et suarum pertinenciarum contra quoslibet causidicos impetitores conservare et tueri propriis ipsorum laboribus et expensis tali obligaminis vinculo mediante, quod si prenotati Georgius, Dominicus et Paulus filius Luce annotatum Paulum de Hedrehwara in dominio prescripte possessionis Heccze et suarum. pertinenciarum conservare non possent aut recusarent, extunc idem Paulus de Hedrehwara, vel sui heredes absque requisicione cuiuslibet iudicis ordinarii vigore presencium dumtaxat universas et quelibet possessiones et iura possessionaria prefatorum Georgii, Dominici et Pauli, filii Luce, ubilibet in regno Hungarie habitas et existencia, tam hereditarias, quam empticias, sed et impignoraticia pro se occupandi et tamdiu tenendi ac conservandi, necnon possidendi haberet potestatis facultatem, donec prefatam summam floreni auri eidem vel suis heredibus effective persolverent. In cuius rei memoriam firmitatemque perpetuam presentes literas nostras privilegiales pendentis et autentici sigilli nostri maioris munimine roboratas eidem duximus concedendas. Datum die dominico proximo post festum beati Mathei apostoli et ewangeliste, anno domini millesimo quadringentesimo sexagesimo quarto, hono-