Radvanszky Béla - Závodszky Levente: A Héderváry-család oklevéltára. első kötet (Budapest, 1909)

sideratis multimodis fidelitatibus et fidelium serviciorum gratuitis meritis fidelis nostri magnifici Emerici, filii condam Laurencii de Herdervvara (igy), regni Hungarie palatini per ipsum, uti a certo edocti sumus, primum condam excellentissimorum principum dominorum, Sigismundi, Romanorum imperatoris, avi ac Alberti, regum Hungarie, patris, nostrorum carissimorum et eciam nostris temporibus in nonnullis exercitualibus expedicionibus contra regni nostri emulos instauratis, rebus et persone suis non parcendo cum omni fidelitatis constancia ac ferventis animi zelo eisdem nostris progenitoribus ac sacre regni nostri Hungarie corone et ex post eciam nostre maiestati laudabiliter exhibitis et impensis, totalem porcionem possessionariam in possessione Zokolendred, in comitatu Tholnensi existenti, habitam, que condam Petri filii Desevv de eadem Zokolendred prefuisse, sed per defectum seminis eiusdem ad sacram regni nostri Hungarie coronam, consequenterque nostram maiestatem iuxta antiquam et approbatam eiusdem regni nostri Hungarie consuetudinem devoluta fore perhibetur, simulcum omni iure nostro regio, si quod in eadem qualitercunque haberemus et nostram ex quibuscunque causis, modis et racionibus concerneret maiestatem, aliisque cunctis suis utilitatibus et pertinenciis quibuslibet, terris scilicet arabilibus, cultis et incultis, agris, pratis, pascuis, campis, fenetis, silvis, nemoribus, rubetis, virgultis, montibus, vallibus, vineis et vinearum promontoriis, aquis, fluviis, piscinis, piscaturis, aquarumque decursibus, molendinis et locis molendinorum ac generaliter quarumlibet utilitatum et pertinenciarum eiusdem integritatibus, quovis nominis vocabulo vocitatis sub suis veris metis et antiquis limitibus premissis sic, ut prefertur, stantibus et se habentibus, memorato Emerico, filio condam Laurencii palatini et per eum Nicolao, fratri eiusdem carnali, ipsorumque heredibus et posteritatibus universis dedimns, donavimus et contulimus, ymmo damus, donamus et conferimus iure perpetuo et irrevocabiliter possidendam, tenendam pariter et habendam, salvo iure alieno harum nostrarum vigore et testimonio litterarum mediante, quas in formam nostri privilegii redigi faciemus, dum nobis in specie fuerint reportate. Datum Wyenne, feria tercia proxima post festum beati Gregorii