Radvanszky Béla - Závodszky Levente: A Héderváry-család oklevéltára. első kötet (Budapest, 1909)

Prelati, barones, nobiles, et proceres regni Hungarie universi conventui ecclesie Saxardiensis salutem et honorem. Dicitur nobis in persona magnifice domine Elene, relicte condam magnifici Ladislai, filii Waywode de Thamasy, quomodo ipsa in dominium cuiusdam possessionis Ireg vocate, in comitatu Tholnensi existentis, et habite, ipsam omnis iuris titulo concernentis, legitime vellet introire; super quo vestram devocionem presentibus requirimus eidem mandantes, quatenus vestrum mittatis hominem, pro testimonio fide dignum, quo presente Andreas, filius Tiburcii de Koromzo aut Emericus, sin Thomas, filius Vincencii de Thomey, sew Michael de Agy, sive alter Michael de Kospa, neve Emericus, filius Thiburcii de Henew, an Nicolaus de Aderyen, aliis absentibus homo noster ad facies prescripte possessionis Ireg, vicinis et commetaneis eiusdem universis inibi legitime convocatis, et presentibus accedendo, introducat prefatam dominam Elenam in dominium eiusdem, statuatque eandem simulcum cunctis suis utilitatibus eidem premisso iure ei incumbenti perpetuo possidendam, si non fuerit contradictum. Contradictores vero si qui fuerint, evocet ipsos contra memoratam exponentem nostram in presenciam ad terminum competentem racionem contradiccionis eorum reddituros et posthec huiusmodi introduccionis et statucionis seriem cum contradictorum et evocatorum, si qui fuerint, vicinorumque et commetaneorum, qui premisse statucioni intererunt, nominibus ac termino assignato nobis more solito rescribatis. Datum Wacye, tercio die festi Omnium Sanctorum, anno domini millesimo quadringentesimo quadragesimo quinto. (1445 nov. 3.) Nos itaque premissis amicabilibus peticionibus acquiescentes, unacum prefato Emerico de Thomey, homine ipsorum, religiosum virum fratrem Blasium sacerdotem, unum videlicet ex nobis ad premissa fideliter peragenda nostro pro testimonio fide dignum duximus destinandum, qui tandem exinde ad nos reversi nobis consona voce retullerunt isto modo, quod ipsi in festo beate Katherine virginis proxime preterito (nov.25.) ad facies prescripte possessionis Ireg vicinis et commetaneis eiusdem universis, videlicet Dominico et Michaele, filio Anthonii de Zokolendred, Stephano Kewer de eadem, Thoma Rudas