Radvanszky Béla - Závodszky Levente: A Héderváry-család oklevéltára. első kötet (Budapest, 1909)

worsa] spectancium, opidique Nemethy cum tributo, necnon castelli Beletincz, similiter cum tributo et vado ibidem habitis ac possessionum Kamarocz, Tharnok, Verbanya et Brygh, necnon Zablatya nuncupatarum, in comitatu de Valko adiacencium, [aliarum]que universarum possessionum porcionumque et iurium possessionariorum, ad prenominata castra, castellum et oppida, que magnifici condam Henrici filii Vayuode de dicta Thamasy prefuissent, pertinencium, ipsos scilicet Laurencium palatinum et Emericum banum, filium eiusdem racione contractus seu fraternalis confederacionis inter ipsos ab una et dictum condam Henricum, filium Vayuode ab altera partibus facte et celebrate pleno iure concernencium legittime vellet introire. Super quo fidelitati vestre firmiter precipiendo mandamus, quatenus vestrum mittatis hominem, pro testimonio fide dignum, quo presente magister Benedictus de Peczel, curie nostre notarius, homo noster de ipsa curia nostra ad id specialiter transmissus, ad facies castrorum, castelli, oppidorumque et possessionum prenarratorum, vicinis et commetaneis eorundem universis inibi legitime convocatis et presentibus accedendo, introducat prefatos Laurencium palatinum et Emericum banum, filium eiusdem in dominium eorundem et pertinenciarum ipsorum, statuatque eadem cum cunctis ipsarum utilitatibus et pertinenciis memoratis Laurencio palatino et Emerico bano iure ipsis incumbenti perpetuo possidenda, si non fuerit contradictum. Contradictores vero si qui fuerint, evocet eosdem contra annotatos Laurencium palatinum et Emericum banum nostram personalem in presenciam ad terminum competentem, racionem contradiccionis eorum reddituros et post hec huiusmodi possessionarie introduccionis et statucionis seriem cum contradictorum et evocatorum, si qui fuerint, ac vicinorum et commetaneorum, qui eidem statucioni intererunt, nominibus terminoque assignato eidem nostre personali presencie fideliter rescribatis. Datum Bude, in festo beati Thome apostoli, anno domim millesimo quadringentesimo quadragesimo quarto. (1444 deczember 21.) Nos igitur mandatis ipsius domini nostri regis in omnibus obedientes, ut tenemur, unacum prefato magistro Benedicto de Peczel, homine ipsius domini nostri regis, de curia