Radvanszky Béla - Závodszky Levente: A Héderváry-család oklevéltára. első kötet (Budapest, 1909)
fideliter et laudabiliter servivisset, maxime in seva guerrarum commocione, quam habuimus contra regem Boemorum capitalem hostem nostrum, predictus magister Johannes inter alios nobiles regni nostri ad defensionem confiniorum deputatus famulatum laudabilem et omni remuneracione dignissimum impendisset, nos, qui ex officio suscepti regiminis metiri debemus merita singulorum, et unicuique iuxta meritum respondere, bellicos sudores et actus strennuos ac fidelem famulatum prefati magistri Johannis, quibus coram nostre maestatis oculis et baronum nostrorum presencia multipliciter claruit, attendentes, specialiter tunc, tum dilectos et fideles nostros Rolandum palatinum, Joachinum magistrum tavarnicorum nostrorum et Johannem comitem Supruniensem ac alios ad obsidendum castrum Jauriense transmisissemus, idem magister Johannes quendam ex adversa parte se iactanter in contrarium opponentem cernentibus eisdem fidelibus nostris interemit, et nobile triumphum reportavit, prout id nobis per dictos barones nostros patuit manifeste. Demum cum idem rex Boemie confinia regni nostri a parte comitatus Supruniensis fraudulenter invasisset, et nos prefatum comitem Johannem ceterosque nobiles regni nostri ad obviandum sue potencie destinassemus, sepedictus magister Johannes, ubi prope Supronium predicti fideles nostri non minimum exercitum dicti regis invadentes, viriliter debellarunt, extitit strennuus miles. Nam in opposicione aciei stragem intrepide dimicando quendam militem dicti regis Boemie captivavit, in se plurima letalia wlnera recipiendo, quem postmodum in signum reverencie regalis culminis et sue fidelitatis corroboranciam suo cum vexillo nostre obtulit maiestati. Volentes igitur ei pro tantorum serviciorum meritis regio occurrere cum favore, licet pro modico reputemus, quod ad presens agimus, respectu eorum, que sibi facere intendimus in futurum, quandam villam castri nostri Supruniensis Dobrun vocatam sitam in Bokonol cum foro libero sibi in eadern villa per nos celebrare die Martis concesso, exceptam a iurisdiccione eiusdem castri penitus et exemptam, cum omnibus utilitatibus et pertinenciis suis universis sub eisdem metis et terminis, quibus eadem terra primitus limitata extitit et possessa, eidem magistro Johanni et
