Radvanszky Béla - Závodszky Levente: A Héderváry-család oklevéltára. első kötet (Budapest, 1909)
158. 1438 mdjus 5. A fejervari kaptalan jelenti, hogy Albert kiraly parancsara Hedervari Lorincz nadort s fiait Istvant es Imret a fehermegyei Kenderto nevti birtokba, minden ellenmondas nelkiil beiktatta. Capitulum ecclesie Albensis omnibus Christi fidelibus, tam presentibus, quam futuris, presencium noticiam habituris salutem in salutis largitore. Ad universorum noticiam harum serie volumus pervenire, quod nos literas serenissimi principis domini Alberti, dei gracia regis Hungarie, Dalmacie, Croacie etc. Austrieque et Stirie ducis, necnon marchionis Morauie etc. domini nostri graciosi sigillo suo consignatas, nobisque preceptorie directas sumpmo cum honore recepimus in hec verba: Albertus dei gracia rex Hungarie, Dalmacie, Croacie etc. Austrieque et Stirie dux, necnon marchio Morauie etc. fidelibus nostris capitulo ecclesie Albensis salutem et graciam •Cum nos pro fidelibus serviciis fidelis nostri dilecti magnifici Laurencii de Hedrehwara, dicti regni nostri Hungarie palatini quoddam predium nostrum Kenderthow appellatum in comitatu Albensi situatum, alias, uti fertur, in concambium certarum aliarum possessionum regalium, puta Chanyg, Lak et Zenthandras vocatarum in comitatu Soproniensi existencium ad manus regias deventum, in cuius facie ecclesia in honorem sancti Alberti fundata esse perhibetur, cum singulis suis utilitatibus vigore aliarum literarum nostrarum donacionalium exinde confectarum prefato Laurencio palatino ac Stephano et Emerico filiis suis, ipsorumque heredibus universis in perpetuum duxerimus conferendum, velimusque ipsos in dominium •eiusdem per nostrum et vestrum homines legitime facere introduci. Igitur fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Georgius de Ezen, vel Ladislaus filius Stephani de Apostal, aut Michael sive Petrus, seu Sandor de Moor, sin Nicolaus literatus de Zenthelzebeth, ceu Benedictus filius Johannis de Thwrus, aliis absentibus homo noster ad faciem predicti predii Kenderthow, vicinis et commetaneis eiusdem
