Radvanszky Béla - Závodszky Levente: A Héderváry-család oklevéltára. első kötet (Budapest, 1909)

aliarum literarum nostrarum exinde confectarum modo et forma in eisdem contentis facte, decem milia florenorum auri nomine veri mutui et sub spe restitucionis maiestati nostre dederunt et realiter assignarunt. Idem quoque Emericus filius Wayvode de speciali mandato et commissione nostre maiestatis centum et quadraginta lanceas cum gentibus exercitualibus ad hoc necessariis et opportunis in proximo ad statuendum nostre maiestatis in propriis suis expensis, que ad summam duorurn millium et octingentorum florenorum auri puri se extendit, elevare et cum eisdem centum quadraginta lanceis eorundemque gentibus exercitualibus in hys partibus nostris superioribus pro cione et conservacione earundem contra perfidissimos Hussitas et Taboritas, qui ipsas partes nostras superiores plereque hostiliter invadere consueverunt, aut alias, ubi mandaverimus ac necessarium fuerit, exercituancium more per tres menses integros servire debet nostre maiestati. Sicque tota ipsa summa inclusis predictis primevis decem millibus florenorum auri facit duodecim milia et octingentos florenos auri. Ita nunc [volentes] memoratum Emericum filium Way vode et alios infrascriptos tam de prefatorum decem milium primevorum, quam de pretactorum duorum milium et octingentorum florenorum auri summa certos reddere et securos, memoratas civitatem nostram Wereucze, necnon palacium nostrum ibidem habitum, ac porcionem nostram possessionariam in Lippa existentem cum villis et pertinenciis, ceterisque utilitatibus ad ipsam civitatem et palacium spectantibus, item cum universis decimis vinorum, bladorum ac aliarum rerum decimalium tam ex ipsa civitate et villis ad eundem predictum quoque palacium pertinentibus, necnon porcionem possessionariam in prefata Lippa habitam, quam de toto comitatu de Wereucze more solito et consueto provenire debentibus sepefato Emerico filio Wayvode, necnon inclite domine Anne, filie condam Theodori, ducis Podolie, consorti, item reverendo in Christo patri domino Ladislao episcopo Chanadiensi, necnon Stephano et Johanni fratribus eiusdem Emerici filii Wayvode carnalibus pro pretitulata totali summa duodecim milium et octingentorum florenorum auri puri, cassatis et anullatis sepetactis prioribus literis nostris