Radvanszky Béla - Závodszky Levente: A Héderváry-család oklevéltára. első kötet (Budapest, 1909)

serenissimi principis domini Sigismundi, dei gracia Romanorum regis semper augusti ac Hungarie, Bohemie, Dalmacie etc. regis, domini nostri naturaliter metuendi introduccionales pariter et statucionales summo cum honore recepimus hunc tenorem continentes : Sigismundus dei gracia Romanorum rex semper augustus ac Hungarie etc. rex fidelibus suis, conventui ecclesie Saxardiensis salutem et graciam. Dicitur nobis in personis Ladislai et Herneh, filiorum Johannis condam wayuode de Thamasy, quomodo ipsi in dominium cuiusdam possessionis Megessyregh vocate, in comitatu Tholnensi existentis, ipsos vigore literarum vestrarum fassionalium, exinde confectarum perempnali empcionis titulo concernentem legitime vellent introire. Super quo fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Andreas filius Desew de Endred, aut Andreas dictus Maraz de eadem, ceu Sebastianus de Solyagh, aliis absentibus homo noster ad faciem dicte possessionis, vicinis et commetaneis eiusdem universis inibi legittime convocatis et presentibus accedendo introducat eosdem in dominium eiusdem, statuatque eandem eisdem premisso titulo ipsis incumbenti perpetuo possidendam, si non fuerit contradictum. Contradictores vero si qui fuerint, evocet ipsos contra eosdem Ladislaum et Herneh nostram in presenciam ad terminum competentem, racionem contradiccionis eorum reddituros, et post hec ipsarum introduccionis et statucionis seriem cum nominibus contradictorum et evocatorum, si qui fuerint, terminoque assignato nobis fideliter rescribatis. Datum Bude, feria tercia proxima ante festum Omnium Sanctorum, anno domini millesimo quadringentesimo decimo nono. (1419. oktober 31.) Unde nos mandatis prescripti domini nostri regis semper obtemperare cupientes, ut tenemur, una cum prefato Andrea Desew dicto de Endred, homine suo regio unum ex nobis. videlicet fratrem Demetrium, priorem nostrum ad premissas introduccionem et statucionem faciendas nostro pro testimonio duximus fide dignum transmittendum, qui tandem exinde ad nos reversi et per nos diligenti scrutinio requisiti nobis con-