Radvanszky Béla - Závodszky Levente: A Héderváry-család oklevéltára. első kötet (Budapest, 1909)
dicti Choka asportassent et asportari fecissent. Insuper iidem iobagiones feria secunda proxima post dictum festum (jim. 13.) decem iobagiones cum quinque curribus et quindecim equis ipsos currus trahentibus dictorum actorum in porcione possessionaria ipsorum Lipolthfalva vocata commorantes in libera via versus propria remeantes reperiendo, diris verberibus plagis sauciando, captivassent, captosque simul cum predictis curribus ad domum seu curiam prenotati Pauli Choka deduxissent, et tamdiu in eorum vinculis conservassent, quousque eorum placuisset voluntati; eo non contenti feria tercia post anotatum festum (jim. 14.) ad porcionem possessionariam prefati Georgii de Hedrehwar et aliorum prescriptorum Dwnazegh vocatam venientes ibique magnam quantitatem feni Andree iobagionis eiusdem Georgii et ceterorum pretitulatorum in eadem Dunazegh commorancium potencialiter abinde asportassent et in curiam memorati Laurencii de Hedrehwara collocassent in eorundem preiudicium valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fide dignum, quo presente Jacobus filius Georgii de Zaph vel Michael filius Johannis, sive Georgius filius eiusdem de eadem, aut Osualdus filius Stephani de Malomzegh ceu [Egidius] filius Petri, neve Johannes de Chytmand, vel Georgius filius Cosme de Wath, aliis absentibus homo noster ab omnibus, quibus incumbit, meram de premissis experiatur veritatem, quam tandem nobis fideliter rescribatis. Datum Hude, die dominico proximo ante festum Nativitatis sancti Johannis Baptiste, anno domini millesimo CCCC mo decimo octavo. (1418 jim. 19.) Unde nos mandatis serenitatis vestre in omnibus obedire cupientes, ut tenemur, unacum prefato homine vestro, videlicet Egidio filio Petri de Chitwand, nostrum hominem magistrum Johannem subnotarium ad premissa peragenda nostro pro testimonio transmisimus fide dignum, qui tandem exinde ad nos reversi nobis uniformiter retulerunt, quomodo ipsi feria sexta proxima ante festum beati Jacobi apostoli (jiil. 21.) proxime preterita in comitatu Jauriensi simul procedendo a nobilibus et ignobilibus ac alterius cuiusvis status et condicionis dicti comitatus Jauriensis hominibus, a quibus decuisset et oportunum
