Radvanszky Béla - Závodszky Levente: A Héderváry-család oklevéltára. első kötet (Budapest, 1909)
conservari facere deberet; iidemque filii sui, Emericus scilicet et Paulus ac alii filii procreandi, tam de proventibus et redditibus predicti castri Ouar, quam eciam aliis hereditatibus ipsorum, annis singulis, singulos ducentos florenos auri puri aut pecunias equivalentes prenominate domine Katherine, matri ipsorum dare et amministrare tenerentur hoc declarato, quod si dicti Emericus et Paulus ac alii filii sui procreandi annis singulis predictos ducentos ducatos aut pecunias equivalentes qualicunque de causa memorate domine Katherine dare et persolvere recusarent, aut non possent, extunc ipsa domina Katherina de possessionibus in idiomate Theutonicali Ottental, Nostorff, Lengenteif, Diierenpach vocatis et pertinenciis earundem predictos ducentos ducatos seu pecunias equivalentes pro se recipere et extorquere valeret, contradiccione eorundem filiorum suorum et aliorum quorumlibet non obstante; ubi vero ipsa domina Katherina alium maritum pro se habere vellet, extunc iuxta regni Hungarie consuetudinem rehabitis et receptis a predictis filiis suis iuribus suis dotaliciis et rebus parafernalibus predictum castrum Wereskw et premissa alia bona pacifice et quiete eisdem filiis suis remittere et resignare deberet et teneretur. In cuius rei memoriam, firmitatemque perpetuam presentes literas nostras privilegiales, pendentis et autentici sigilli nostri maioris munimine roboratas dicto Vlrico et suis heredibus duximus concedendas, quarum par ad registrum communitatis conscribi fecimus. Datum in festo beate Petronelle virginis et martyris, anno domini millesimo quadringentesimo quintodecimo, honorabilibus viris, dominis Gallo preposito, Georgio lectore, Thoma cantore, Demetrio custode, ceterisque dominis canonicis in dicta ecclesia nostra deo iugiter famulantibus et devote. A pozsonyi kaptalan 1483. marczius 8-an kelt es Misthwlber Zsigmond, Bazini es Szent-Gyorgyi Grof Janos es Zsigmond ovari varnagya keresere kiadott atiratabol, M. 0. D. L. 10350. jelzet alatt az Orszagos Leveltarban.
