Radvanszky Béla - Závodszky Levente: A Héderváry-család oklevéltára. első kötet (Budapest, 1909)

parochialis in honorem Virginis gloriose constructe essent, necnon Thornea vocatarum prope dicta Debrechen existentis, in cuius superficie ecclesia modo simili in honorem virginis gloriose fundata haberetur, convocatis vicinis et commetaneis ipsarum, presentibus eciam legitimis procuratoribus parcium earundem, accedentes et ipsas solum in locis sessionalibus primo in duas coequales partes dividentes, unamque ipsarum duarum parcium iam dicte nobili domine Ilka, consorti memorati magistri Demetrii tantummodo relinquentes, demum secundam partem ipsarum duarum parcium in tres coequales partes sequestrassent, quarum quidem trium parcium unam partem memorato magistro Nicolao de Zeech et reliquam pretitulato Emerico de Hederwara, terciam autem et ultimam iam dictis nobilibus puellis filiabus prefati Ladislai de dicta Debrechen, item nobili domine Katherine, carnali sorori ipsius Ladislai, coniugi scilicet Benedicti, filii Stephani dicti Zudar de Olnad per evum heredibus et posteritatibus universis, cum quibus congrueret, statuissent et commisissent sub distinccionibus metalibus inferius dicendis eo iure, quo eisdinoscerentur pertinere in sempiternum ac irrevocabiliter possidendam, tenendam et habendam. Distinccio vero metalis dictas possessiones partibus pretitulatis deventas distingens et separans talis haberetur, quod primo et principaliter unum ordinem dicte ville Gabrian inter partes divisum a parte campi seu aquilonis existentem quedam via publica ante prescriptum molendinum inter sessiones curiarum Demetrii dicti Thoth et Stephani literati, incolarum eiusdem possessionis habita sequestraret eo modo, quod pars ipsius ordinis ab eadem via, que communi usui parcium deputata fuisset, incipiendo prescripta curia memorati Demetrii dicti Thoth inclusa cum omnibus locis sessionalibus populis videlicet decoratis et eciam edificiis destitutis versus prescriptum monasterium sancti Michaelis, ab occidente usque quandam sessionem desertam, que sicuti inferius patebit, memoratis magistris Nicolao, Emerico, filiabus et sorori sepefati Ladislai devenisset et que prope villam Thotfalu noviter penes dictum monasterium in metis ipsius locatam esset et existeret situatis et habitis, omnino et integraliter memorate