Radvanszky Béla - Závodszky Levente: A Héderváry-család oklevéltára. első kötet (Budapest, 1909)
111. Buda, 1403 szeptember 27. Zsigmond kiraly a pannonhalmi konventnek megparancsolja, hogy Hedervari Miklos fiat Miklost a gyormegyei Ors birtokba, bizonyos szent-martoni harom szolobe s egy gyorvarosi meszarszekhelybe iktassa be. Sigismundus dei gracia rex Hungarie, Dalmacie, Croacie etc, marchioque Brandemburgensis etc, sacri Romani imperii generalis vicarius et regni Bohemie gubernator fidelibus suis conventui ecclesie sancti Martini sacri montis Panonie salutem et graciam. Cum nos quandam possessionem Ewrs vocatam in comitatu Jauriensi habitam, necnon tres vineas in territorio dicti sancti Martini sacri montis Panonie existentes ac locum unius maccelli in civitate Jauriensi situm, que condam Stephani de dicta Ewrs, hominis scilicet absque heredum solacio defuncti prefuissent, tum ea racione, tum etenim propter notam infidelitatis eiusdem ad manus nostras regias iuxta regni nostri consuetudinem devolutas fideli nostro dilecto magistro Nicolao, filio Nicolai de Hedrehwara pro ipsius fidelibus serviciis et fidelium obsequiorum meritis nove nostre donacionis titulo mediantibus aliis literis nostris duxerimus conferendas. Fidelitati igitur vestre firmiter precipiendo mandamus, quatenus vestrum mittatis hominem pro testimonio fide dignum, quo presente Mychael de Nema, vel Demetrius de Bwn, sive Sandor de Wrken, aut Johannes Magnus de Kaldy, aliis absentibus homo noster ad facies predicte possessionis Ewrs, necnon vinearum et maccelli, vicinis et commetaneis earundem universis inibi legitime convocatis et presentibus accedendo introducat prefatum magistrum Nicolaum filium Nicolai in dominium earundem, statuatque easdem eidem premisso nove nostre donacionis titulo perpetuo possid[endas], si non fuerit contradictum. Contradictores vero, si qui fuerint, citet ipsos contra annotatum magistrum N[icolaum] in presenciam regni nostri palatini ad terminum competentem [racionem] contradiccionis eorum reddituros, et post hec ipsius possessionarie introduccionis et statucionis seriem cum nominibus contradictorum et citatorum, si necesse fuerit, terminoque assignato eidem
