Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1825

xandro Latinovics VJudlium, ac Nobile Bandérium ducente, praeeunte equitatu Nemes-Militicsensi, Theresiopolitano, ac Districtus Coronalis Tibiscani, nec non Zomboriensi solenniter urbem ingressus, et ad Aedes Cottenses deductus fuit, ubi a Militia Civica Zomboriensi, et Baiensi salutabatur /:Militia haec Civica Baiensis deposito priore uniformi vestitu aliam Granatariorum vestem pariter uniformem magno sumtu pro hac solemnitate comparatam primum sumsit, eiq[ue] honor datus omnes vigilias providendi, et alia servitia D. Supremo Comiti praestandi:/571 Vespere ignes Artificiosi /:Feuerwerk:/ instituti, quor[um] in medio sequens Chronosticon fulgebat:

Győri CoMes! pro te sIC ferVent peCtorls Ignes,

Hos Bâts, et BoDrogh eX pietate foVet.

30. Sequente die hora 9. itum est in Ecclesiam, in qua invocato divino auxilio Missam Solemnem decantavit suprafatus Illustriss. Septemvir praesentibus DD. Supremo Comite, Comissário, et APraesule Colocensi, atq[ue] II. Statibus et Ordinibus, numerosisq[ue] Vicinor[um] Cottuum Deputatis. Reversis ad Domum Cottensem cunctis D. Commissarius elegante Oratione Hungarica peroravit,572 tum pro more elevatus cum sede, cui insidebat, D. Supremus Comes exposuit obligationes suas, cunctorumque Magistratualium sermone elegante, cui nomine Statuum respondit Spect. D. Adalbertus Antunovics Ordinarius] Notarius ornatissimo sermone. Denominatis dein tam ex gremialibus, quam ex Deputatis numerosis /:65:/ Assessoribus sequebatur opiparum prandium, quo octingentae circiter personae exceptae fuerunt. Illuminatio in vesperum determinata ob supervenientem pluviam in sequentem diem fuit translata.

31. Omnium in se oculos traxit Domus Cotensis, tota in igne eleganter dislocato posita, in cuius duobus angulis alta pyramides splendescebant. Auxit pompam huic opposita ingens pyramis ab Israelitis erecta antiqui Jerosolymitani templi formam referens, supra cuius cymatium sub sole radiante haec erat inscriptio: Vivat, omni tempore fulgeat! Prae reliquis illuminatis aedibus eminebant Spect. D. Horváth Glis Cassae Percept[oris] et Canalisticae Directionis comptae aedes.

Mensis totus, paucis diebus exceptis, frigidus, sed nimis siccus erat, ut exigua spes bonae et falcationis, et messis, simul ac vindemiae supersit.

Mensis Junius

2. Supplicatio Theophorica pro more peracta fuit, praecedente et festivas explosiones faciente Militia civica noviter regulata, et numero aucta /:sexaginta gregarii praeter sub — et Officiales cum supremo Vigiliar]iorum] Praefecto etiam nunc denominando:/ in nova Uniformi Granatariorum veste: item regulari hic stativantis Legionis Dimachar[iorum] ADucis Joannis.

13. Festum S. Antonii favente utcumque tempestate, confluente proin sat copioso populo celebratum est, pontificante sub Infula Rdssmo D. Abbate, et

571 Ede Margalits, 1875. — Das außerordentlich wertvolle Material des Schützenvereins (Protokolle, Zielscheiben) ist im Besitz des TIM. Abbildungen von einigen Zielscheiben sind erschienen: Braun, Anne, 1981. 17., 48., 101., 102.; Verebélyi, Kincső, 1988.

572 Diese Rede ist mit anderen zusammen erschienen: Győry, Ferenc, 1825.

336