Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1833

26. P. Ludovicus Lauka Vukovar[inum] P. Aloysius Brich Aradinum, et Fr. Venceslaus Lanczendorfium.

27. Advenit Mohacsino P. Isidorus Torma Professor.

28. Bacsino Fr. Conradus Veszely Sacrista.

Mensis hic sat calidus, sed maiore sui parte humidus invectionem segetum, ac triturationem impediebat.

Mensis September

10. Advenit Bacsino A. R. P. Mner Provlis cum R. P. Secretario nos paterne invisens. Eodem paene momento appulit horsum Radna A. R. P. Ex-Provlis immediatus, qui 16. Augusti discesserat cum R. P. Augustino Nemes Act. Consultore, et Gvard. Radnae. Hic commorantes seq. die omnes tres die 12. discesserunt Földvar[inum].

26. Fr. Peregrinus Laic. Nov. vota prima accepit.

Mensis hic nimis pluviosus uberioris vindemiae spem omnem procidit, et uvas nimio humore turgidas putrescere fecit.

Mensis October

1. Gymnasium Regium implorata assistrice Dei Sapientia, Missam solennem decinente A. R. D. Loci Parocho, secundum tenorem Ordinationis Foro Altissimo iam Anno 1831. factae Annum Scholasticum inchoavit, Administris in Tabula Familiae expositis.

28. Lectae sunt Litterae Circulares e Capitulo Provinciali Földvarini celebrato dimissae, in quibus multa disciplinam religiosam concernentia sapienter precipiuntur.

Mensis hic sat calidus zeam ad maturitatem perducendo et ciclamina copiosa producando defectum frumenti supplevit, sicq[ue] famis metum sustulit. Frugum collectio exigua, vini, sed deterrimi, largior, quod vix servari potuit, facta.

Mensis November

3. FF. Silvester Blagovich, Slavonita Essekinensis, et Mansvetus Hantken, Silesita Jablunkensis vota tertia acceperunt, atq[ue] obtenta ab A. R. P. Min. Provli licentia, et expleto in S. Religione triennio, ac protestatione, resignationeq[ue] publice lecta die

4. in manibus R. P. Lectoris Marcellini Dorich votis solennibus S. Religioni se obstrinxerunt.

5. Studium Theologicum invocato auxilio divino annum Scholasticum inchoavit.

6. Exacto anno probationis Vienna, et Philosophia in seculo iam audita, ad excipiendas disciplinas Theologicas horsum dispositus advenit Fr. Leo Lorentz.

Mensis hic initio praesertim pluviosus, non tamen frigidus.

Mensis December

5. Elapsa nocte in vicina possessione Sz. István expilatores quidam ignoti Ecclesiam spoliarunt, auferentes, quia aliud non repererunt, e tabernaculo Monstrandam una cum Venerabili, Ciborium, Particulis sacris per Eccleam dispersis, et e Sacristia duos calices, omnia haec e cupro inaurata, et inargentata.

16. Sacra exercitia octiduana more hic recepto peracta.

401