Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1825

pio, et S. Religioni Seraphicae ingremiari copia praesentis proprio pugno munire demisse efflagito.

Signat[um] Baiae die 14. Aprilis 1825-Coram nobis

P. Carolo Grausgruber m. p. Vicario, et Discr.

P. Stephano Ninkovich m. p. Lect. ac Discr. et

P. J[oanne] Nepom[uceno] Pendi m. p. Gvardiano, et Consultore.

Fr. Paulus Nagy m. p. SS. Theol. anno primo Studens.

16. Anniversaria utpote S. P. Francisci professionis die omnes huius Familiae Sacerdotes, Clerici, et Laid professi media quinta matutina in Ecclesia ante Altare maius congregati, dictis ab A. R. P. Ministro Provli Orationibus, formulaque recitata S. professionem solenniter renovarunt. Mox Minister Provlis cum P. Secretario Visitationem Canonicam prosecuturus discessit Aradinum, comitante A. R. P. Gvardiano MTheresiopolim usqu[e], unde die 18. domum redivit.

27. et seq. Positum est in Choro Armarium Organi, positivum dicti, operantibus Fr. Simone Sangi Organifice, et Fr. Ignatio Lehner eius coadiutore, nec non saeculari sodale Arculario Joanne N. requisitis aliis interioribus solertem eorum manum praestolantibus.

29. Excell. Illustriss, ac Rdssimus D. Petrus Klobusiczky de eadem Archi-Praesul Colocensis, Visitationem Canonicam, anno superiore inchoatam, prosecuturus, sumto in Sz. István apud D. Alexandrum Csajághy Dnii Provisorem prandio, per Baiam Sztanisics versus, noctem ibi acturus, transiit.

Mense hoc dies alii nubilosi, alii sereni quidem, at ita frigidi ob saevientem communiter validissimam Boream, ut brumales diei mereantur usq[ue] 24. inde vero usq[ue] finem adeo mutata, et calefacta atmosphera est, ut aestus fere intolerabilis cum vento urente coniunctus spem omnem et vernalium segetum, et foeni ademerit praesertim cum toto mense nulla pluvia fuerit, praeterquam 30. ab hora 6. vespertina usq[ue] 8. consequenter duabus solummodo horis lenta quidem, at calida et summe salutaris pluvia arefacta fere cuncta vegetabilia vigori suo paulisper restituit. Ob siccitatem nimiam et frigus, arbores ultimis tantum mensis diebus florere coeperunt.

Mensis Maius

FF. Faustinus Parizsa et Ludovicus Lauka SS. Theologiae Studentes die praeterlapsi mensis 25. S. Presbyteratus Ordine initiati, susceptis prius eodem mense Clericali Tonsura et Minoribus, Maioribusqfue] Ordinibus, ab Excellmo APraesule collatis Coloczae, P. Faustinus Parizsa in Ecclesia Conventuali Baiae die 15. Maii primam Altissimo Missam obtulit, Manuducente Rdssimo D. Mathia Radicsevics Abbate, et Parocho Loci, ad Concionem perorantibus P. Justino Tanos Hungarico, P. Carolo Grausgruber Germanico et P. Stephano Ninkovich Illyrico idiomate.

22. P. Ludovicus vero Kattymarini die 22. in Dnicam Pentecostes incidente, et Patrocinio Ecclesiae S. Joanni Nep[omuceni] dicata occurrente primum Omnipotenti litavit, expensas ferente et ad Aram operantem dirigente A. R. D. Michaele Benczák Parocho Locali, concurrente Nobili Vidua Catharina Koller, Con334