Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1839 Mensis Julius 1. MVP. Cyrillus Zaruba Condonator germ, ob certas caussas hinc dispositus Bacsinum discessit, inqfue] eius locum ex eodem Conv. 4. horsum venit MVP. Elias Tomicsevich eodem munere functurus. Studium philosoph [icum] Examina secundo-semestralia huius mensis diebus interpolatis absolvit. 29. Rfegium] Gymn[asium] gratiis Deo persolutis annum sehol [asticum] conclusit. Mensis pariter integer sine pluvia, sed magno cum aestu. Mensis Augustus 2. Pro solennitate S. Mariae Angelorum de Portiuncula extranei minore numero convenerunt, quibus verbum Dei sermone patrio proposuit R. D. Antonius Mihálovics Cooperator Sz. Ivánensis, illyrico et germanico concionatores domestici, Missam solennem in pontificalibus decantavit Rdssimus D. Praepositus, et Oppidi huius Parochus cum plena assistentia. 8. Discesserunt Budam ad Capitulum A. R. P. Gvardianus domesticus cum Bacsiensi, Illokinensi item, et Sharengradiensi, quibus se adiunxerunt Radnensis, et Aradinensis Coloczae, quo iam 5. l[abentis] discesserunt, cum hac die 3- eiusdem venissent. 12. Dies Capituli provincialis, quod Budae celebratur. 17. Campanae moestum sonantes nos e somno exterruerunt hora media tertia matutina, incendium annunciantes, quo duae domus in platea danubiali /:Provalia:/ conflagrarunt. 22. Redivit e Capitulo A. R. P. Gvardianus nova dignitate ornatus, Consultor quippe Provinciae electus; sed quia Tabulae Familiarum nondum erant descriptae, huius quoq[ue] Familiae dispositionem saltem oretenus retulit: Ministrum quidem Provlem electum esse A. R. P. Dominicum Kirchmayer, Professorem, Secretarium, et Consultorem Proviae emeritum, atq[ue] Conventus Possegani Gvardianum, Gymnasii eiatis vero Directorem votis consentientibus; alterum Consultorem R. P. Benvenutum Kiász, Lectore Philos[ophico] emeritum. In reliquo Conventum Superioribus fere omnibus confirmatis, eo maiorem mutationem in aliis individuis factam. - Sic ex hac Familia P. Basilius Kovács, hic praeexistens Grammaticalium Professor Secretarius Provinciae renuntiatus iam 18. huius Budam discessit. Pro-Secretarius factus MVP. Dominicus Petrovich; cum priores Secretarii ambo, Michael Filippovich Budae, Salesius Gazics vero Enzersdorfii sint Superiores renuntiati. 23. Iterum incendium in Arenaria /:Homok, Sandberg:/ etiam circa mediam tertiam matutinam tres domos absumsit. 25. P. Aloysius Zsiga, filius Baiensis, Alumnus Ordinis Clericorum Regularium Matris Dei Scholarum Piarum, Posonii Sacris initiatus, hodierna die in Ecclesia Conventuali /:utpote ipse Religiosus, dicebat, se nolle in alia Ecclesia, quam Religiosorum solennitatem hanc primam peragere:/ primitias Agni immaculati Omnipotenti Deo obtulit sub manuductione A. R. P. Gvardiani, concionantibus P. Aloysio Gráczol hungarice, domesticis concionatoribus illyrice, et germanice. 442