Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1835

19- Utpote Dominica Resurrectionis Sacrum Solenne decantavit P. Timoth[eus],

Hoc mense facta est cinctura horti vallis, seu palis inde a Nubilari, ubi et ara pomorum, usq[ue] ad cincturam tigillarum, et puteus in aula reparatus.

Hoc mense sat calido repetitae pluviae spem optimam faciunt colonis, et vinicolis.

Mense Maio

19. Lectae sunt Lit[t]erae encyclicae A. R. P. Mnstri Provlis, quibus intimatur secunda intermedia Congregatio Capitularis die 11. Augusti Essekini celebranda.

Mense hoc plerumq[ue] calido crebriores pluviae spem colonorum, et vinicolarum conceptam augent.

Mensis Junius

4. FF. Castor Patatich Hungarus Bajmakensis, Bartholomaeus Kovacsevich Slavonita Vukovariensis, et Capistranus Thomich Slavonita Illokinensis iam die

1. huius vota tertia acceperunt, et habito ab A. R. P. Ministro Provli indultu, ac exacto in Provia triennio, atq[ue] resignatione pridie publica facta, in manibus A. R. P. Gvardiani vota solennia Altissimo nuncuparunt.635 636

21. Fr. Silverius Magyar Hungarus Tatensis, et Edmundus Seitz Austriacus Viennensis, acceptis heri votis tertiis, obtenta ab A. R. P. Min. Provli facultate, triennio item in religione expleto, ac publice facta resignatione in manibus R. P. Marcellini Dórich Lectoris voto solenni se Deo in Sacra Religione famulaturos obligarunt.

22. Discessit P. Colomannus Schlögl Cone. German. Viennam.

Mense hoc bene calido spes coloni ex parte adimpleta, nam prata opportune irrigata gramen pingve, et copiosum produxerant, sicq[ue] pabulum sufficiens, cuius defectus anno priore non exiguus erat, suppeditarunt. Messis quoq[ue] hordei inchoata.

Mensis Julius

15. R. P. Lector Marcellinus instituit Examen e Studio biblico V. F.

18. R. P. Theophilus ex Historia Ecclea.

31. Gymnasium R[egium] actis Deo gratiis anno Scholastico finem imposuit.

Mense hoc lues cornuti pecoris iam prioribus mensibus in aliis Cottibus, imo et vicinis possessionibus grassata hic quoq[ue] nihil obsistente vigilantia, et adhibitis in cassum variis remediis erupit, et per decursum huius mensis plura centena frusta peremit.

Mensis de cetero calidus, et siccus defluxit, et messis cuiusvis frugum speciei uberrima coloni spem abunde exsatiavit.

635 Der Schreiber der HD setzte hier ein + Zeichen. Das selbe Zeichen kommt nach dem 14. Juli noch einmal vor. Damit wollte er bezeichnen, daß er im Zusammenhang mit Juli nachhinein noch Bemerkungen eintrug. Sie sind also „an den Monat Juli anzuschließen”.

636 Brundl, József, 1835.

413