Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1834

11. R. P. Lector Marcellinus examen servavit ex Introduct[ione] Generali in Libros Sacros N. F.

13. R. P. Lector Theophilus ex Institutionibus Juris Ecclesiastici.

26. In vicina possessione Sz. István domus communitatis qualiter incensa ignoratur, conflagravit.

29- Solennitas Anastaseos Dominicae facta ex Ecclesia Parochiali de more per forum processu, tempestate favente, ingenti populi concursu peracta, in nostra quoq[ue] Ecclesia more hic usitata terminata.

+ 30. P. Antonius Peshka, Exhortator Gymnasii, et Supplens Professor hora noctis duodecima excitato vicino R. P. Lectore Theophilo, se mortis angustiis premi Conquestus, et exaudiri suam confessionem petiit: idcirco adveniens R. P. Spiritualis eius confessionem excepit; siq[uej absolutus mira animi ad extremum usq[ue] halitum praesentia media prima post mediam noctem vitam ictu apoplexiae mucosae finivit, sequente die per D. Parochum Loci assitentibus DD. Cooperatoribus sepultus, praesertim in excipiendis fidelium confessionibus indefessus.

Mensis integer frigidus, et siccus erat, atq[ue] ventosus.

Mensis Aprilis

+ 1. Fr. Laurentius Chjorkovich, Proviae Bosnensis alumnus, SS. Theol. in annum 2. Studens, tabe hectica consumtus hora 6. mat[utina] defuntus, et per eumdem D. Parochum sequenti die sepultus.

5. Fr. Peregrinus Laic. Nov. vota tertia accepit.

20. Advenit Mohacsino MVP. Hyacinthus Bády horsum dispositus, munere Exhortatoris, et Supplentis Profess. functurus.

Mensis hic, demtis paucis primis eius diebus pluviosis, siccus nimis, frigidus, et ventosus pertransiit.

Mensis Maius

20. Adolescens quidam Studosus 2. Gram[maticalium] Scholam frequentans cum matre, et molitore quidam cimba vectus, iisque extendentibus ipse cum altero, etiam puero, in cimba relictus, ex ea exilire volans in Danubium decidit, et mersus periit, die 25. inventus, et sequente sepultus.

26. Advenit Aradino sospes A. R. P. Min. Provlis cum R. P. Secretario Visitationem Canonicam hicce peracturus.

Praesens Protocollum Conventus occasione Visitationis Canonicae diebus 27. et sequ Maii 834. habitae revidi et collaudata nomine ARP. Visitatoris Canonici P. Protocollistae diligentia, subscripsi.

Fr. Justinus Tanos m. p.

Secretarius Proviae

30. Hodierna dies multis millibus fatalis illuxit; pruinae enim, prioribus iam noctibus praesertim nimiopere frigidis, vineas, hortos, segetes, iam lactea grana habentes, magna parte concoxit: ideo plurimis spem uberis messis, et vindemiae ademit.

403