Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1828

15. Redivit e Gödöllő A. R. D. Mathias Bartók, per Illustrissimos Dnos Horváth, Dnii Baiensis Arendatores, et Oppidanam Deputationem commendatus, post 12. Annos in qualitate Cooperatoris Illyrici Baiae exactos, amorem omnium sibi conciliavit, ipse quoq[ue] filius Baiensis; sicq[ue] a Celsissimo Principe Antonio Grassalkovich praesentatus, et per Excellentissimum APraesulem investitus sequente die munus Parochiale est auspicatus. Superi votis eius secundent!601

Hoc mense coeperunt struere Murarii Canalem a Domo Parochiali forum versus, plures influxus, ut consideranti patet, recipientem. Alterum canalem eodem tempore inchoarunt in foro, a loco inter Angulos Castelli, et Domus oppidanae sito usqfue] ripam rami Danubii labore improbo. Delineavit totum opus illudqfue) dirigit D. Antonius Bauer Cottensis Geometra.602

Mensis hic iam pluvius, iam siccus pertransiit; priore tamen eius parte aestus intolerabilis regnabat /:thermometr[o] 28-30°:/ altera vo atmosphera variabat. Messis exspectationem colonorum superavit; frugum tamen pretium, quod minui coepit, in dies crescit, cuius caussa a rumore belli futuri est repetenda.603

Mensis Augustus

2. Tempestate licet favente populus minore numero confluxit; labore rurali occupatus; cui tamen, ne spirituali solatio privetur, satisfactum. Ad concionem Hungaricam dicente R. D. Josepho Nagy Cooperatore Vaskutiensi; ad Illyricam R. P. Stephano Ninkovich SS. Theolog[iae] Lectore; ad Germanicam M. V. P. Joanne Capistr[ano] Kricz, Concionatore Germ. Conventuali; Sacrum solenne decinente A. R. D. Mathia Bartók, Priv[ilegiati] Oppidi recens investito Parocho.

4. Pestinenses viarum stratores inchoarunt plateam ab Ecclesia Parochiali forum versus sternere lapidibus e Sz. Endre magnis Oppidi sumtu adlatis.

5. Computus Generalis conclusus, publicatus, et subscriptiones factae.

Eodem. R. P. Lector Stephanus Examen instituit semestrale ex Introductione

Generali in Libros Sacros Novi Foederis.

7. R. P. Lector Erasmus e Jure Ecclesiastico privato et particulari Regni Hungáriáé.

16. Turri in Capella S. Rochi erecta, quoniam prior anno 1796. erecta, lignis vitio contracto putrescentibus, ruinam minabatur, hora sexta pomeridiana crux feliciter apposita est.

19- Hodie celebratur prima intermedia Congregatio Capitularis Budae.

28. Lecta est Tabula Venerabilis huius Familiae e Congregatione Budensi dimissa sequentis tenoris:

601 Mátyás Bartók war 1828-1850 Pfarrer in Baja.

602 Das ist der Kanal, der in den Fluß Sugovica mündet und auch heute existiert. — Mehrere handschriftliche Landkarten sind von Antal Bauer bekannt. Bauer, Antonius, 1825.

603 Nach der Unabhängigkeitserklärung Griechenlands (1822) begann ein langwieriger Freiheitskampf. Auf türkischen Druck mischten sich auch die Russen ein (1828-1829). Den Krieg schloß der Frieden von Adrianopel (1829) ab. Csató, Tamás — Gunst, Péter, 1971. 407. — Zur Innenpolitik der Türkei siehe Ranke, Leopold, 1879.

363