Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1828

Mensis Martius

7. Homo quidam in Saliceto inter Possessiones István-Megye, et Szent-István sito laqueo sibi vitam ademit. Alter tres dies ante in István-Megye eodem fato periit.

13. Puella quaedam casu infausto de ratibus in aquas ruit, iisq[ue], quin ei succurri potuisset, hausta interiit.

19- Auxit Familiae nostrae numerum, exacto Bacsini anno probationis, ac terminata in seculo Philosophia Fr. Constantius Rudmann, Theologicas disciplinas excepturus, attulitq[ue] secum A. R. P. Mstri Provlis Litteras Circulares, quibus Visitatio Canonica annuntiatur.

20. R. P. Stephanus Lector instituit Examen semestrale e Lingva Graeca, et Hermeneutica Generali N. T.

21. Fr. Burchardus Bagyi, Hungarus Strigoniensis, votis tertio acceptis, vulgo plenis probabatur, et resignatione publice facta

22. Exacto in S. Religione triennio, completoq[ue] vicesimo primo aetatis anno in manibus A. R. P. Gvardiani Regulam Seraphicam solenniter profitebatur, mutato ab A. R. P. Mnstro Provli nomine Hyacinthus vocatus.

23- Primum fulgur visum, ac tonitru auditum.

27. R. P. Erasmus Lector instituit Examen semestrale e Jure Ecclesiastico Publico.

Mense hoc frigus sensim remittebat, sed altero eius dimidio vix dies una absq[ue] imbre praeteriit, sicq[ue] frigus humidum regnabat, sata nihilominus et autumnalia, et vernalia aspectu amoenissima sunt, per consequens annum fertilem spondent.

Mensis Aprilis

14. Determinata fuit in Comitiis proximo anno finitis Regni Articulo 7. Conscriptio pro adiustatione Portarum deservitura, iuxta ideam Diaetaliter stabilitam, ut nempe alter Comitatus, isq[ue] non vicinus alterius conscriptionem peragat, affecturae Diaetae reportandam. In sequelam igitur determinationis huius conscriptionem in hocce Cottu hodierna die inchoavit Baiae Deputatio ex ICottu Szaladiensi exmissa.595 Deputatio huius Cottus ad Cottum Temesiensem dimissa iam 10. lab[entis] m[ensis] discessit idem operatum peractura.

16. Advenit horsum A. R. P. Gregorius Csevapovich iter[ato] Minister Provlis cum R. P. Dominico Kirchmayer, Secretario Proviae comitante R. P. Laurentio Matoss, Gvardiano Bacsiensi, Conventum isthunc canonice visitaturus.

Praesens Protocollum Conventus tempore Visitationis Canon[icae] 17. et seqq. Aprilis 828. revidi et subscripsi.

Pr. Dom. Kirchmayer mp.

Secret. Proviae.

595 Die Volkszählung v. 1828 ist eine sehr wichtige Quelle der Geschichtsschreibung. Nagy, Ludovicus, 1828.; Lassú, István, 1829.; Thirring, Gusztáv, 1903.; Bottló, Béla, 1957. — Das Komitat Bács-Bodrog führte auch 1826 eine Volkszählung durch. Bauer, Antonius, 1826. — Topographische Beschreibung aus nahe liegender Zeit: Kiss, István, R, 1938.

360