Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1827

Eodem. Hora octava Vespertina exorto per incuriam incendio / Ancilla ad candelam infra nubilare vestes levigante:/. Domus Tinctoris in platea ad rubrum Bovem Flammis absumta est, ulteriorem ignis grassationem partim lenta pluvia, partim solertia concurrentis populi prohibente.

14. Illustrissimus D. Supremus Comes Zomborino redux, sumto hic ientaculo, domum versus /:Perkátam:/ iter prosequebatur, qui prout in itu, ita nunc in reditu a Turma Militiae Civicae fuit honoratus.

18. Brodio horsum dispositus venit ad audiendam Theol. Fr. Theophilus Jakab.

25. Horis vespertinis, aura licet praecedentibus diebus per lentam pluviam refrigerata frequentissima fulgura visa, ac tonitrua audita.

27. Fr. Burchardus Bagyi Cleric[us] improf. advenit.

29. Validissimo vento cum frigida pluvia integra die saeviente ad noctem modicae nives deciderunt, quibus aura ita refrigerata est; ut sequente die terra solido gelu constricta cerneretur, cum hucdum ne pruinam quidem experti simus.

Mensis huius pars prior calida, et sicca, posterior pluviosa fuit, ultimae tres dies vero adeo frigidae, ut finem Decembris adesse autumaverimus.

Quoniam inde ab initio Maii rarissimas pluvias habuerimus, aestus vero nimius omnia fere vegetabilia decoxerit, ideo collectio victualium notabiliter defectuosa evenit: ut vix tertia pars victualium, alias obvenire solitorum, sit illata.

Mensis November

3. Studium Theologicum /:Studentes 17:/ invocato auxilio divino annum Scholasticum inchoavit.

5. Juventus R[egii] Gymnasii, Directore, ac Professoribus iisdem, qui anno abhinc secundo fuere.

6. Lectae sunt Litterae Circulares A. R. P. Ministri Provlis, in quibus praeter alia disciplinaria observatio clausurae inculcatur.

7. Advenit ad audiendas disciplinas Theologicas Fr. Seraphinus Amon e Novitiatu Viennensi, et cum eo alii sex, qui sequenti die discesserunt Illokinum ad audiendam Philosophiam.

23. Aura repente refrigerata nives copiosae ceciderunt, quae n obstante eo, quod terra gelata non fuerit, permanserunt, frigore semper crescente, sicqfue] Mensis totus frigidus, ultimae vero eius dies vere brumales transierunt.

Mensis December

1. Prima, et subsequis diebus frigus paulisper remittebat, ac terra gelu constricta solvebatur.

18. Fr. Edmundus Furch annum probationis terminavit, caparonibus tamen retentis, et votis secundo dandis ad aliud tempus translatis.

Mensis fere totus humidus defluxit, praesertim inde a 12. usq[ue] 20. nebulae densissimae, et valetudini perquam noxiae grassabantur adeo: ut metus fuerit contagionis alicuius secuturae; nam quotdiebus terna, imo septena cadavera efferebantur.

358