Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1826 lum BVMariae Fontis Vodicza dicti,585 et in processu iam Corolla BVMariae recitabatur, iam Hymni alii variis lingvis decinebantur, atq[ue] ibi similiter, ut prima in Ecclesia, omnibus terminatis, revertebatur totus coetus eodem ordine, quo supra, ad Ecclesiam Parochialem inter cantica, et preces. Quo dum perventum est, Natio Hungara Ecclesiam intravit, et sermo Hungaricus ad Concionem habitus /:Germanicus die Jovis, Illyricus die Sabbati:/. Ad Juventutem Scholasticam in aedibus Gymnasii Latinus, et Hungaricus sermo ab Exhortatore, et Catecheta habitus. Tum sequebatur Missa Cantata, qua finita, tota congregatio dissoluta est. Quoniam vero multi, senio, infirmitate, v aliis caussis impediti, praedictas quatvor Stationes, praesertim tertiam ad Fontem Vodicza susceptam peragere nequibant: ideo Rdssimus D. Abbas, facto ad Glem Vicarium recursu, commutationem huius tertiae Stationis petiit, et impetravit, ut nempe in locum nimis distantis tertiae Stationis ad Fontem Vodicza Sacellum in Monte Calvariae situm substituatur. Idcirco secunda supplicatio instituta fuit Dominica sexta post Pentecosten, seu 25. Junii Ad hanc iam maior populi concursus factus, et eadem serie peracta omnia, qua Dominica praecedente, eo excepto, quod Natio Germanica Studiosam Juventutem sit subsecuta, et Hungarica totum agmen clauserit. Sermo reducibus Germanis dictus /:Hungaris die Veneris, Illyris die Sabbati:/. Tertia supplicatio facta Dominica septima post Pentecosten, seu 2. Julii eodem ordine, Illyris praecedentibus, Germanis agmen claudentibus. Dicto Illyrica habita /:Germanica diejovis, Hungarica Sabbati:/. Quarta supplicatio ut Dominica octava, seu 9. Julii servetur, impedita fuit copioso imbre pridie depluo; terminata tamen est die seq[uenti] 10. Julii, Hungaris rursus praecedentibus. Utque ad Ecclesiam Parochialem ventum est, sermo Hungaricus pro concione dictus /:Germanicus die Jovi, Illyricus Sabbati:/ tum Hymnus Ambrosianus, denique Missa decantata. — Quae omnia cedant ad maiorem Dei Gloriam, et animarum fidelium salutem! — Nos hanc devotionem peragentes ex vestigio sequebatur processio Sz. Istvániensis, quibus praeter propriam Ecclesiam assignatae fuerunt visitandae Ecclesiae Baienses, Parochialis, Conventualis et S. Rochi. — Sedebatur pro S. Trubunali tam in Parochiali, quam nostra Ecclesia non tantum matutino, verum etiam pomeridiano tempore, et magna populi Deo devoti pars conscientiam suam expiavit, reliquis residuo tempore sensim devotionem suam peragentibus. Mensis Julius 11. Advenit Mohacsino Fr. Jonas Brekkel, Laicus Novitius, annum tirocinii prosecuturus, qui ibidem Sacrae Religionis vestem sumserat die 10. Februarii a.c. 21. Fr. Fridolinus Wagner annum probationis terminavit. 31. R. P. Lector Stephanus servavit examen ex Herrn[eneutica] Novi Foederis. Mensis hic calidus erat, et imber copiosus iteratis vicibus decidit. Messis exspectationi non respondit. 585 Die Kopie der Urkunde über die Zulassung des vollständigen Kirchweihfestes Wodica (Mariä Träne) ist im Besitz des Museums in Baja. TIM Nr. 59.186.1. 348
