Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1822

horto interiore ad partem sinistram penes murum altitudine duarum pedum; penes Canalem vero alteram trans eumdem partem pariter duarum pedum altitudine.

24a. Circulares Litteras Ministri Provincialis Buda 14aJanuarii datas, Canonicam visitationem intimantes percepimus; quas perfecto prorsus modulo debitae insinuationis in Protocollo Litterarum Circularium legere est.

Mensis Martius

5a. R. P. Gvardianus Patserino rediit, ex munificentia Sp. D. Ferdinandi Császár trium et quatour Annorum juvenes Arbusculas, partim surculatas, partim oculatas amoenissimas tulit, numero 20*, diversae speciei. Omnes suis locis jam die sequenti adaptabuntur.

8a. In reflexionem grato animo susceptae Visitationis amicae R. P. Gvardiani Sp. D. Stephanus Sucsich de Patsér quatuor Saccos tritici, tres Saccos avenae, tres denique Fagopyri, et unum juvenem Sabellicum unius circiter anni Conventui donavit. Eodem ex motivo A. R. D. Franciscus Vass Parochus et Vice-Archi- Diaconus Stanitsitsiensis decem metretas tritici Conventui gratiose largitus est.

9e- D. Adamus Auer Senator hujus Priv[ilegiati] Oppidi ad interpositionis R. P. Gvardiani 12— inoculatas juvenes arbusculas Conventui dono dedit, quae omnes mox firmatae solo sunt.

1 la. Vesperi horam circa 6m fulgurare et tonare prima vice audiimus; copiose pariter pluit, et nunc et inde a 9* h[ora] m[atutinaj sufficienter, quod opportunum admodum esse, siccis imprimis hisce hyemis diebus, nemo non videt.

12a. A. R. P. Ministri Provlis diem onomasticum chori cum solennitate festivavimus. Decenti prandio R. P. Gvardianus excepit tum ceteros fratres, tum et Rssmum D. hujatem Abbatem, et ejusdem DD. Cooperatores.

15a. In horto Spect D. Ferdinandi Császár molitor quidam semet laqueo praefocavit.

I6a. Rursum molitor unus in Silva Szeremlye versus eundo a dextris penes Danubium laqueo sibi vitam ademit.

18â. Danubius vehementer crescere coepit, et tam cito increvit ut post tres dies plagam adusque officinam Salinariam inundaverit. — Hodie Examen Semestrale ex Institutionibus Lingvae Graecae et Hermeneuticae Generalis instituit P. Lector Thaddaeus.

20â. M. V. P. Lector Stephanus Ninkovich ex Jure Ecclesiastico Examen Semestrale primum instituit.

27a. Quidam Calvinista novacula sibi venas praescindendo mortuus est.

31a. Spect D. Ferdinandus Császár 5. Urnas vini Conventui dono dederat, quas reipsa hodie auriga Patserino advexit.

Clausimus cum hoc mense hyemis astronomicae computatae partem; enimvero frustra inquirunt quique, publicarum etiam Ephemeridum compilatores, ut quempiam in vetustate huic parem reperiant annum; nam hyemem reipsa ut secus fierei solebat, habuisse nos nullam confiteri debemus; quocirca dies calidissimi, qui hoc praeprimis mense erant, id effecerunt, ut fructiferae arbores, praeprimis praecoces, jam inde a diebus 5£ floreant; quinimo die IO3 Martii amygdalum florentem vidi.

309