Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)

Text der Historia Domus

1821

Totum hunc mensem sereno caelo adspeximus, et quamvis matutina tempora prima copiosa canescerent, vernos fere nonnullos dies viximus.

Mensis Martius

3*. Rursum domus una verspertina 1/2 9s igne consumpta est.

Mensis hic siccum continuat tempus, sed quamvis sol luceret, valde frigidum.

15*. Rursum seri autumni dies nanciscimur, aerisque mutatis asperum reductura frigus videtur. Ningebat quippe copiose, ac serius pluebat; neque tamen nives permanere quiverant, mox scilicet solutae sunt.

21*. Examen Semestrale i111TM instituit P. Thaddaeus Lector Theologiae cum suis undecim Studentibus ex Historia Ecclesiastica Rel[igionis] Xnae.

30*. E publicis Ephemeridibus refertur Exercitum Caesareo-Austriacum sub ductu Campi Mareschali L. Baronis Frimont, post pugnam ad Riveti in qua Neapolitani devicti turpiter sunt, Neapolim pervenisse, Urbem in praesidium suscepisse, denique intra spatium 7 Hebdomadarum bellum confecisse. Ex iisdem Ephemeridibus cognoscitur eandem partem Exercitus ad Pedemontium, in quo pari modo Constitutis Hispanica Turini imprimis proclamata est, abiisse, quid futurum sit eventus docebit.

Mensis Aprilis

Pulcherrimos veri veris nanciscimur dies, in quibus universa moveri incipit natura; florere cuncta ac virere videntur.

13- Ministri Provlis Circulares accepimus, in quibus futuram visitam canonicam intimat. Instituetur vero Visitatio hoc Canonica Budae, Földvarini, Mohacsini, Vukovarini, Batsini, Bajae.

20*. Qui magnus die Veneris seu Parasceven erat alteras percepimus Circulares, in quibus indicitur futurum Capitulum Provinciale pro die 4* Junii in Conventu Matris Gratiarum Radnae.

Benedictionis divinae signum hunc viximus mensem callidi oportunissimis pluviis temperati dies agricolis omnium laborum suorum uberem spondent recompensationem, mox etiam Tritici metreta quae 11 florenis veniebat vix a 6 florenis vendi potest.

Mensis Maius

2*. Publicis Ephemeridibus fertur Exercitum Caesareo-Austriacum jam etiam in Pedemontis post varias obtentas victorias pacem reduxisse, et juncta opera cum Regis-Sardiniae Exercitu Turinum intrasse;536 jam et ubique ad Deo rependendas grates Hymnus Ambrosianus decantatus est. Callidi continuant dies.

10*. Anathemata duo argentea unum in forma Caput referente, alterum in forma Ranae, prius 1/4, posterius 1 Unciae pondere oblata sunt a D. Juliana Szütrell Bajensi. P. Gregorius Nikolich Alumnus Bosnensis obtenta ab Excelso Consilio licentia domum ad Patriam rediit.

536 Über die Ereignisse und ihre Auswirkungen siehe Pach, Zsigmond Pál, 1980. I. 605-606.

298