Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1815 13. In Solemnitate S. Antonii dixit Concionem Hungaricam R. D. Stephanus Domivits, Capel. Madarass, Germanicam A. R. D. Alexius Koplányi Parochus Sz- Istvány[ensis]; Illiricam denique A. R. D. Lucas Zomborcsevich Paroch[us] Vasskut[iensis], Sacrum decantavit Reverendissimus D. Paulus Szutsits Abbas S. Aegidii de Simighio, L. R. Civ[itatis] Maria Theresiopolitanae Parochus et II. Comitatuum Bács et Bodrog articulfariter] unit[orum] Tabul[ae] Jud[iciariae] Assessor. Adstantibus eidem duobus Patribus, et 5 Fratribus Clericis nostrae Proviae. 14. Installatio Gymnasii Bajensis peracta est modo sequenti: Praeparatis omnibus ad hunc Solemnem Installations actum requisitis, hora 9s Matutina praefatus idem Magnificus Dnus Comissarius Regius, cum Illustrissimo ac Reverendissimo Dno Josepho L. Barone Bemátfi de Olovácz, Venerabilis Archi Capituli Colocensis Canonico, Curui Pomposo insidens resonantibus ubiq[ue] Campanarum sonis reboantibus mortariorum fragoribus, versus neoerectum Aedificium Scholare processit, ubi cum nobili apparatu Militiae Oppidanae, Spectabilibus item Dnis Magistratualibus Senatoribus Oppidanis adsalutandus expectabatur. Vir hic a prolibus Scholaribus, in ordinem ad duo latera collocatis repetitis cum acclamationibus Vivat! Vivat! Vivat! salutatus in Sala ad elevatiorem sibi jam praeparatum locum consedit; ubi ad sinistrum latus in Muro pendentem solertissime selectissimis floribus ornatam Effigiem Augustissimi Principis Francisci i“1 H[unga]riae Regis cum conspexisset, illico elegantem unam Orationem idiomate Hungarico ad Populum adorsus; qua medium usquje] absoluta, Intimatum Regium perlegit /:quo comprehendebatur, facultas Bejense Paedagogium, Regis benevolentia inter Scholas Publicas adlegendi:/. Quo perlecto, orationem prosecutus; ea terminata, Vir praeclarissimus Perillustris Dnus Josephus Kuluntsits Primarius hujus Privilegiati Oppidi Notarius itidem idiomate Hungarico, brevi, sed eleganti sermone versus Effigiem Sacratissimae primo Majestati, deinde eidem Praesidenti Magnifico Dno Comissário Regio, Senatus nomine, et Populi gratias egit. Magnificus Comissarius Regius tandem conversus ad A. R. P. Ministrum Provincialem brevi, sed eleganti idiomatis Latini Sermone Gymnasium hoc novum Regium tradidit, et per eundem sibi Directorem proponi petiit. A. R. Pater Sermone Latino eidem gratias egit, et Patrem Reverendum Adamum Demeracz Concionatorem emeritum; alias 8^ Annis Paedagogii Bajensis Directorem fuitum proposuit; quem, et inter continuas acclamationes Populi Vivat! Vivat! Vivat! Magnificus Dnus Comissarius acceptavit, inauguravit et Primum hujus Gymnasii Regii Directorem, traditis eidem clavibus, et Sigillo Scholaribus, Juramento fidelitatis obstrinxit. Neo-electus Pater Director solemnem installationem Sermone Latino conclusit. Absoluta Installatione inter continuas copiosi populi inclamationes, Vivat! Vivat! Vivat Magnifico Dno Consiliario itum est ad Ecclesiam Parochialem, ubi Illustrissimus Dnus L. Baro et Canonicus Josephus Bemátfi de Olovácz Magnifico Dno Comissário in loco jam sibi praeparato, coram Ara Majori flectente stipantibus eundem copiosis Dnis Solenne Sacrum decantavit, conclusitque cum Hymno Ambrosiano. 275