Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1793 Anno 1793. Januarius 21. Tristissimus casus hac die Parisiis contigit, qui constituit Epocam in hystoriis omnium Saeculorum, qui discooperuit in natione Gallicana illam ignominiam, quae in antiquis Tirannis haud inveniebatur. Infelicissimus Rex Galliarum Ludouicus XVI. post injustam, irregularem, et incompetentem Sententiam Nationalis Conuentus, hora 10. Matutina in foro revolutionis ad latus pedestalli, ubi ante 4. menses statua ipsius Avi existebat, Capite plexus est. Ipsius cadaver tumulum illatum est in Cemeterio Magdalenae, ubi jacent ossa illorum, qui perierunt ea occasione, qua sponsalia contraxit. Ludouicus die Dominico a meridie separatus fuit a sua Familia; die Dominico, ad noctem caenauit, et cum summa quiete dormivit: hora 7~ matutina excitatus est, surexit, et se induit, quin verbum protulisset. Hora 8^ conductus est ad locum executionis. Ipsius Confessarius, et duo Officiales uno curru cum illo vehebantur. Durante itinere nullum verbum protulit, summum silentium observabatur ab oibus, praeterquam quod aliqui ex Civibus commiseratione ducti dum per portam Templi exivissent, gratiam inclamassent. Quando peruenit ad locum supplicii 4. aut 5. minutis in Curru se detinuit cum suo Confessario demissa voce cum eodem colloquens. Tandem ex Curru descendit, pulla veste indutus, machinam ascendit, et vertens se ad populum alta voce sequentia vferjba protulit: Ego morior, 6 Galli! innocens; ex hoc loco, et in hoc instanti, in quo me praeparo ad comparendum coram Diuino Judice dico vobis veritatem: ego parco et condono offensam inimicis meis, et desidero, ut Gallia... ad haec verba inceperunt timpana pulsare eo fine, ut non audiantur voces gratiam inclamantium. Post hoc solus caput machina supposuit, et decolatus est. Carnifex caput assummens populo uidendum exhibuit clamans voce elevatiori: Vivat Libertas! Vivat Respublica Gallicana! Post decolationem Regis Ludouici, ad diuisionem vestis Regiae celeriter concurrent, abscissos vero capillos cuidam fabro Lignario vendiderunt. Hic id locum habere potest: Diuiserunt sibi vestimenta mea, et super Capillos capitis mei miserunt sortem. Februarius Adm. Rendus P. Ladislaus Jesik Provincialis nostrae obstis S. Joannis a Capistrano Proviae, vir eximius de Provincia optime meritus, prudentia, doctrina, ac promovendae Religionis Seraphicae zelo, in rebusque agendis dexteritate praecipuus, qui atroci, et insanabili podagra morbo pluribus anosius patientissime tolerato, post praeclara pietatis, ac devotionis per frequentem Sacramentorum usum edita argumenta adstantibus, Animamque comendantibus Fratribus in Conuentu S. Crucis inuento Essekini diem extremam clausit idibus Februarii tertio ad tertiam pomeridianam quadrante. Sepultus 16. Calendas Martias. Vixit in Religione Annos 41. menses 4. dies 29. Omne vitae tempus implevit Annis quinquaginta Novem, mensibus 4tar, diebus decem et septem. Rexit Prouinciam uno Anno, quatuor Mensibus, et diebus sexdecim. 167
