Kőhegyi Mihály (szerk.): Historia Domus Bajensis. Chronik des Franziskanerkonvents in Baja. Band 1. 1694-1840 - Bajai dolgozatok 7. (Baja, 1991)
Text der Historia Domus
1791 communem vtrique forum obtinet nullo nouo Proprietarium adficiente onere; ast vbi infirmaria toti illocatur domui, - vbi Proprietarius potentia militari aedibus suis excutitus, et alienum domicilium in quo interea caput suum reclinet, a proximi misericordia emendicare cogitur, - vbi praeter fati istius iniuriam - potentiosi vsurpatoris nocendi studio plus, quam conuenienti vsu illatis domui suae deteriorationibus cum ipsius in caput minitantis periculi conspecta impendentem aedium suarum ruinam, cui paupertas subuenire nequit, horrere debet, alia certe huius, ac illius esse debet conditio, - alia consideratio - alia profecto compensatio. Parem sane descriptioni huic scenam subire debebant supplicantes Patres Franciscani Baienses, dum sub finem Anni 1789. parte Copiarum militarium e Castrorum acie, ad hybema statiua recedente duarum Pedestrium Legionum Pellegrinianae vtpote et Ferdinando Toscanae Stabi cum totidem Hospitalibus omnes vtriusque Legionis infirmos recipientibus, et sex Centuriis Oppido Baiae iussu Excercitus Praefecturae illocarentur, et hoc facto miles a castrensibus fatigiis lassus, accedente insulti aeris intemperie morbidus redderetur et increscente Epidémia privatis aedibus, in quibus dispersus iacebat, exemptus, ad ponendos grassanti, et iam ipsum etiam populum cumulatorum funerum rabie corripienti Epidémiáé limites sistendam depopulationem, concentrandamque non minus ac facilitandam curam chyrurgicam ad principalia duo in Oppido Baia prostantia aedificia, Curiale nempe Castrum Dominii, et hic recte in Quaestione versans Patrum Franciscanorum Claustrum iussu perinde Exercitus Praefecturae contraheretur, quo euentu Castrum quidem Dominale Legionis Ferdinando Toscanae Claustrum vero Pellegrinianae Hospitalibus subiectum est, factumque simul, vt Proprietariis militari potentia eiectis, cubicula morbidis militibus referta, vicem Hospitalium, et quae reliquae illis aedificiis insunt commoditates, Castrensibus apparatibus repletae, vicem Magazinorum Militarium subiuerint, euenerit itaque per haec id, quod plerumque euenire solet, - dum fugatis Dominis res vsurpatoris arbitrio relinquitur, - vt illatis immensis deteriorationibus, ad earum reparationem aequales sumtus requirantur. Postquam igitur in miserandam hanc retroacti temporis faciem tantisper intenta contemplatione, tanta fatorum iniuria pressis supplicantibus triste fuisse illud, quod experti sunt antea, nemo non videt, tristius profecto deinceps foret id, si adflictis illa adhuc adderetur adflictio, vt tantos alieno facto caussatos sumtus, ori suo detrahendo ferant, postquam ab his, interdicta eisdem mendicatione, et quod non habebant ablatum est, datumque id solum quod saturandae fami, sitique et procurandae grossae Monachali vesti aegre sufficiat Horum proinde obtutu, erigimur certe firma illa spe, quod Exesum Consilium e praeuiis considerationibus depromtae opinioni nostrae adstipulari, et vel pro eo, vt aedificium tantorum sumtuum sartum, tectumque maneat, postquam n ita pridem pro Claustro Bachiensi, cuius n nisi partem militaris Infirmaria occupauerat, vniversi reparationales sumptus clementer adplacidati sunt, huius quoque Baiensis Claustri ex identitate rationis et subuersantium Circumstantiarum reparationales expensas, e fundo militari, aut vnde vnde resoluendas procurare dignabitur. 155
