Barabás Samu: A római szent birodalmi gróf széki Teleki család oklevéltára. II. 1438–1526. (Budapest, 1895.)

Wladislaus dei gratia rex Hungarie et Bohemie etc. fidelibus nostris, conventui ecclesie de Colosmonostra salutem et gratiam. Cum nos debitum habentes respectum ad integerrimam fidem ac fidelium servitiorum gratissima merita fidelis nostri egregii Martini filii condam Stephani Erdély de Somkerek, que ipse sacre primum huius regni nostri Hungarie corone, deindeque maiestati nostre pro locorum et temporum varietate cum summa semper fidelitatis constantia exhibuit et impendit, totum et omne ius nostrum regium, si quod in totalibus possessionibus suis Gernyezeg, Sarpathak, Kerthwelkapw et Saromberek in Tordensi, necnon Azzonfalwa, utraque Kallyan, Wyssa, Sarmas et Mezewzylwas alio nomine Waydazylwas appellatis in de Colos, item portionibus suis possessionariis in possessionibus Chanad et Zederyes in predicto Thordensi, ac Swk et Mehes nominatis in ipso de Colos comitatibus partium regni Transsilvanarum adiacentibus, existentibusque habitis, in quarum scilicet possessionum ac portionum possessionariarum dominio a certis annis et temporibus idem Martinus Erdély se ipsum perstitisse et modo quoque persistere asserit, qualitercunque haberemus aut eedem nostram ex quibuscunque causis, viis, módis et rationibus concernerent maiestatem, simul cum cunctis ipsarum utilitatibus et pertinentiis quibuslibet quovis nominis vocabulo vocitatis, sub suis veris metis et antiquis existentibus, premissis sic ut prefertur stantibus et se habentibus, vigore aliarum literarum nostrarum donationalium superir.de confectarum memorato Martino Erdély, suisque heredibus et posteritatibus universis in perpetuum contulerimus, velimusque eundem Martinum Erdély in dominium earundem per nostrum et vestrum homines legitime facere introduci. Fidelitati igitur vestre harum serie firmiter precipiendo mandamus, quatinus vestrum mittatis hominem pro testimonio fidedignum, quo presente Salatiel de Fratha aut Barnabas de Tholdalag alias de Galthew, vei Salatiel de Gyewrghfalwa sin Stephanus Bamffy de Lossoncz, sive Ladislaus de Gerend aliis absentibus homo noster de curia nostra regia per nos ad id specialiter transmissus ad facies prescriptarum possessionum Gernyezeg, Sarpathak, Kerthwelkapw et .Saromberek, necnon