Barabás Samu: Székely oklevéltár 1219-1776. (Budapest, 1934.)
erexerit et renovaverit; tamen nunc huiusmodi metas annotate possessionis Saromberk, per prenominatum condam Stiborium wayvodam modo antelato erectas abolire et non paucas terrarum particulas, quas prescripte mete possessionis Saromberk includerent, vobis occupative usurpare niteremini et velletis indebite et minusiuste, potentiaque vestra propria mediante in preiudicium ac dampnum, iurisque iacturam dictorum exponentium, ymmo verius nostre maiestatis displicentiam satis grandem. Verum quia nos sepefatos exponentes, prout iuxta premisse nostre donationis et pollicitationis formám et seriem tenemur, in dominio pretitulate possessionis Saromberk, pertinentiarumque et metarum eiusdem predictarum, per prelibatum condam Stiborium wayvodam modo premisso erectarum contra vos et alios quoslibet illegitimos impetitores conservare volumus et defensare, ideo fidelitati vestre firmo nostro regio sub edicto precipimus et rnandamus, quatinus, habita presentium notitia, memoratas metas annotate possessionis Saromberk per preallegatum condam Stiborium wayvodam iuridice, ut prefertur, erectas aliquatenus abolire, ipsosque exponentes in prescriptis metis, nec non possessione Saromberk et pertinentiarum eiusdem nusquam et nequaquam impedire, molestare aut quovismodo dampnificare presumatis, nec sitis ausi modo aliquali, quin potius ipsos eisdem possessione et metis quiete, pacifice et absque omni impedimento uti atque frui sinatis et permittatis, alioquin presentium serie firmius committimus fidelibus nostris magnificis 1) Johanni et Michaeli Jakch comitibus vestris, ut ipsi sepefatos exponentes contra vos et vestrum quemlibet ac alios quoscunque illegitimos impetitores in pleno et pacifico dominio prefatarum possessionis Saromberk ac metarum et pertinentiarum eiusdem conservent, tueanturque et manuteneant nostre maiestatis in persona et auctoritate nostra in hac parte per nos ipsis attributa mediante. Secus ergo in premissis facere non ausuri. Michaeli innen alápontozással kitörölve.
