Barabás Samu: Székely oklevéltár 1219-1776. (Budapest, 1934.)
prout ex dictis litteris adiudicatoriis sententionalibus praefati condam Joannis de Hunyad gubernatoris dicti regni Hungáriáé in anno Domini Millesimo quadringentesimo quinquagesimo primo emanatis clarissime eluceret, antiquam consuetudinem dominorum siculorum super devolutione bonorum et haereditatum eorundem in semine virilis sexus deficientium semper eam fuisse, quod videlicet nobili siculo in virili sexu deficiente haereditates eiusdem deficientis non (in) fiscum nostrum, verum in sexum foemineum, filias videlicet et si habuerit aliasque sorores carnales, et illis etiam per omnia deficientibus in alios legitimos successores remotiores eiusdem deficientis devolvi deberent; quas quidem litteras propter earum vetustatem plurimum reverandas et maximamque fidem eisdem adhibendam esse, quanto enim vetustiores existerent, tanto propius accederent ad veritatem de praemissa antiqua consuetudine eorundem siculorum eliciendam et cognoscendam; quam consuetudinem licet iuxta contenta decreti a legibus et consuetudinibus regnorum Hungáriáé et Transsilvaniae penitus dissimilem, tamen accedente praemissa iudiciaria auctoritate dicti domini gubernatoris deinceps quoque firmiter et inviolabiliter observandam esse, et hanc consuetudinem, imo libertaternque eorum iidem domini siculi fideles semper existentes nunquam amisissent, sed solummodo plebei siculi, itaque iuxta formám et continentiam praemissae antiquae consuetudinis eorundem, non obstantibus praescriptis litteris nostris novis donationalibus praefati olim deficientis, per eundem super bonis litigiosis impetratis, quae litterae tum propter neglectam statutionem, tum vero quia huic consuetudini praeiiídicarent, demum autem ex quo illis posthabitis postea idem deficiens divisionem in eisdem bonis eidem in causam attractae admisisset, omni firmitate carerent, ad praetacta bona et haereditates siculicales eiüsdem quondam deficientis directorem nostrum nil iuris habere, ex eoque vigore praedictae consuetudinis eadem bona et quaslibet haereditates siculicales eiusdem deficientis possessionibus et sede siculicali Maros in praedictis existen1451.
