Lukinich Imre: Podmaniczky család oklevéltára. II. (Budapest, 1939.)

bona, tamquam possessores eo tempore oppidi Baan, secum ad castrum Nittriense accepissent, super eo ipsi cives montanarum et Moraui praefatum dominum Valentinum Therek ordine iuris requirant: Nichilominus ipsi cives oppidi Baan similiter ad quintum decimum diem a die latae sententiae, super eo etiam quilibet illorum in causam attractorum seorsim pro se, quod nil omnino de bonis civium dictorum montanarum, Morauorumque apud manus eorum sit et habeatur, iuramentum similiter sive sacramentum coram iudicibus nobilium in sede nostra iudiciaria praestare et deponere teneantur. Qui si non deposuerint vei quovismodo deponere neglexerint, mox et de facto quilibet illorum singilatim in florenis quadraginta contra partém alteram convincatur et convicti habeatur. Ea namque lege et conditione illis iuramentum, quoad solas eorundem personas tantum modo impositum est, nam ipse procurator eorundem civium oppidi Baan legitimo testimonio comprobavit, eosdem cives antea iuxta iuramentum omnes illas res civium montanarum et Morauorum acceptas in praesentiam iudicis eorundem deposuisse et ad castrum Trinchiniense misisse. Item ratione illius occisi ad cives montanarum pertinentis et quod ad tertiae possessionis metas ipsi cives montanarum et Moraui pulsi fuisse dicuntur ab civibus oppidi Baan. Huic rei permanserunt, sed ex quo procurator magnifici Joannis de Podmanyn comprobavit legitimo testimonio, cives oppidi Baan fuisse ad id ac servitores domini Valentini Therek tamquam possessores suis compulsos et in sui defensione levatos, compertum est ordine iuris, maximé, quod et antea iudex oppidi Baan plexus capite extitit a servitore domini Valentini Therek propter inobedientiam talem, quod et prius penes servitores domini Valentini Therek contra gentes magnifici domini Joannis de Podmanyn non insurrexerunt, quidquid itaque Banenses in hac egerrime id facere in sui defensionem coacti sunt et compulsi, super quo legittimo testimonio innocentes et immunes comperiuntur. Praeterea ratione causae illorum captivorum quattuor, videlicet Venceslai Koczkowsky, Martini Bacho, Jacobi Pryworsky et Joannis Bandya civium