Lukinich Imre: Podmaniczky család oklevéltára. II. (Budapest, 1939.)

Johannis in perpetuum dedisset et contulisset, per processum iuridicum defendere potuisse sperassent. Etiam tunc supplicatum itaque extitisset paterne maiestati sue nominibus et in personis, quorum supra, ut eis circa premissa de opportuno iuris remed) o providere dignaremur, eadem vero paterna maiestas, que sicuti neminem regnicolarum suorum, sic neque dictos Ladislaum et Johannem de Felsewklwbuchycz et modo simili eosdem actores iustis iuribus eorum, ita de facili et ex improviso privare voluisset, supplicationibus igitur pro parte prefatorum actorum sue maiestati porrectis, regia benignitate exauditis et clementer admissis, id de speciali sua gratia eisdem actoribus annuendum duxisset et concedendum, ut ipsi actores in causa prenotata, non obstantibus preallegatis litteris suis adiudicatoriis pariter et sententionales (így !) et singulis processibus exhinc secutis, causa in premissa contra prenominatum Johannem Podmanyczky tricesimo secundo die diei evocationis huiusmodi exhinc facte computando, ubi prefatus Johannes Podmanyczky cum dictis litteris adiudicatoriis, sententionalibus et singulis eiusdem processibus coram eadem paterna maiestate comparere teneretur nóvum iudicium recepturus, rationesque ipsorum ipsi actores et allegationes dicere et facere valerent atque possent. Immo eadem paterna maiestas ammonuisset et concessisset litterarum suarum per vigorem. Quocirca fidelitati capitulo ecclesie Nittriensis serie earundem litterarum suarum firmiter precipiendo mandaverat, quatenus suum mitteret hominem pro testimonio fidedignum, quo presente homo sue maiestatis infradeclarandus erga prefatum Johannem Podmanyczky accedendo pretitulatas litteras adiudicatorias, sententionales producturum, novumque iudicium causa in premissa recepturam, rationesque et allegationes suas, quas voluerit in defensione dicte cause dicturum, propositurum atque etiam alia, que de iure causa in ipsa fieri possent, acturum, ad prefatum tricesimum secundum diem diei huiusmodi evocationis exhinc fiende computandum contra prefatos actores paterne maiestatis evocaret in presentiam litis pendentia, si qua fuisset inter ipsos, non obstante, insinuando ibidem eidem, ut sive ipse termino in eodem