A Pécz nemzetség Apponyi ágának az Apponyi grófok családi levéltárában őrizett oklevelei. I. 1241–1526. (Budapest, 1906.)

nime extradari, sed pro se indebite usurpari fecisset; ceterum in anno domini millesimo quadringentesimo octuagesimo primo transacto, idem Oswaldus de Korlathkew una eum certis hominibus et familiaribus suis, manibus armatis et potentiariis ad portionem possessionariam dicti Gaspar exponentis in pretacta possessione Kowarch vocata habitam, consequenterque domum et curiam cuiusdam jobbagionis ejusdem Gaspar exponentis, puta Gregorii Gracz, in eadem portioné residentis irruendo, ibique eundem Gregorium Gracz, nullis suis culpis exigentibus, domo et curia sua de eisdem extrahi, ac diris verberum et vulnerum plagis affici fecisset semivivum relinquendo potentia mediante, in prejudicium et damnum dictorum exponentium valde magnum. Super quo vestram amicitiam presentibus petimus diligenter, quatenus vestrum mittatis hominem pro testimonio fidedignum, quo presente certi ex electis juratis nobilibus dicti comitatus Nitriensis, quos ad id serie presentium juxta vim et formám generális novi decreti accedere petimus, ab omnibus nobilibus et ignobilibus, boni status et honeste conditionis hominibus, vicinis scilicet et commetaneis predicte possessionis, ubi premissa facta fuisse dicuntur, a quibus decens et oportunum fuerit, sub onere sedecim marcarum gravis ponderis, per vicecomitem et judicem nobilium dicti comitatus, ab his, qui super premissis requisiti, veritatis fassionem fateri et impendere renuerint, auctoritate regia, immediate et irremissibiliter exigendarum, ad fidem eorum Deo debitam, fidelitatemque dicto domino nostro regi et sacre ejusdem corone observandam, tacto dominice crucis signo prestandam, seorsim et singillatim investigando, sciant, inquirant et experiantur meram, plenam, atque omnimodum premissorum certitudinis veritatem, qua 1481.