Thallóczy Lajos: Jajca (bánság, vár és város) története. (Budapest, 1915. Magyarország melléktartományainak oklevéltára. Codex diplomaticus partium regno Hungariae adnexarum 4.)

dedissent. Tentaverunt eodem tempore per similem fraudem etiam Tininium, Scradinum et Crupam nec opinato occupare ; sed virtute praesidiariorum, et praecipue Germanorum, qui ab Austriae principe Ferdinando erant impositi, magna cum caede reiecti fuere. Itaque Joanni Carlovicio, e Romano Torquatorum genere orto, Ciryaci illius magni, qui Andreae secundi regis tempore claruit, pronepoti, ac Francisco Battianio, in Uladislai patris aula, ac deinde cum ipso simul a teneris educato, viris domi militiaeque claris provinciám administrandam tuendamque demandavit. CCXVI. 1522. Keglevich Péter és Jajcza. , Istvánffi : lib. VII. At Turcarum duces secundum adversam in Sirmio pugnam nihil animo sese demiserunt, tametsi militum longe promtissimos, ac Ferhatem tantae existimationis ducem acie caesum, amisissent; sed maiora aggredi, ac Jaiciam toties improspere tentatam, maioribus viribus, denuo oppugnandam decrevere, rato intestinis Ungarorum a rege iuvene dissensionibus, eorumque fatali negligentia facile in potestatem redigi posse, eaque capta se totius Bosnae et Illyrici imperio haud magnó laboré potituros. Igitur Usreftus Varbosaniae praefectus in locum Ferhatis nuper suffectus, cum Sinano Monasterii, qui locus in Acarnania Epiri montana parte esse dicitur, ac Balibego Tauruni ac Samandriae praefectis, collatis in unum sententiis ac viribus coactoque ad XX. et amplius milium Turcarum exercitu ad obsidendam Jaiciam contenderunt. Maiora etiam tormenta, currulia octo, praeter minoris colubrinas, ac instrumentorum oppugnandis orbibus haud parvam copiam in castris habebant. Nondum se Jaiciae praefectura abdicaverat Queglevitius, vir fortis, et qui in omnes hostium conatus intentissima cura vigilaret; habebatque legatum Blasium Cherium Pannonium, pari fortitudine virum insignem. Is pauci s ante mensibus a tribuno